336
— Si Psiquis ug si Cupido nangatubang sa Olimpo! — nakahunahuna si Ben Zayb ug nahipatik ang panig-ingnan sa iyang kaisipan aron paggawi sa maayor.g higayon.
Ang bana aduna sa pagkatinuod ing panagway nga bahigni ingon sa usa ka bathala sa gugma, ug kon duyogan sa maayong kabubot-on mahimo pag-isip nga sudlanan sa pana ang iyang kabuktot nga wala gayod matago sa kaugdang sa iyang prak.
Si Don Timoteo nagsugod na pagbati sa kasakit sa iyang hawak, ang mga kubal sa iyang mga tiil nang-ul-ol sa hinayhinay, ang iyang liog nanikig na ug, wa gihapon mahiabot ang Kapitan Hencral! Ang mga dagkong bathala, uban kanila si P. Irene ug si P. Salvi, nanagpangabot na, apan nakulang pa ang labing matambok. Wala siya mahimutang, nagpangilogkilog; ang iyang kasingkasing miputok pag-ayo, buot siya muhimog usa ka sugo sa lawas, apan kinahanglan siya una moyukbo, mupahiyom, ug unya buot siya muadto ngadto apan dili makahimo, mulingkod na man siya, unya mutindog, dili makadungog sa gipanulti kaniya, dili siya makabungat sa mahitabo kaniya. Ug niini usa ka dinapit nga mahigugmaon kaayo sa arte nagpunayg sud-ong sa iyang mga kuwadro ug kini gisaway nga miingon kaniya nga ang maong mga kuwadro nagsamok lang sa iyang bongbong.
— Makasamok sa mga bongbong! — nagsubli si Don Timo teo nga nagpahiyom nga gilaliman kaayo nga mukarwas kani ya; — apan kana pulo mga binuhat sa Oropa ug maoy labing mga mahal nga akong napalit dinhi sa Manila.
Ug si Don Timoteo nagapanumpa pagpaningil sa sunod nga adlaw sa tanang utang nga sa magsasaway nahimo sa iyang tindahan.
Nadungog ang mga silbato, mga pagdagan sa kabayo, sa katapusan!
— Ang Kapitan Heneral! Ang Kapitan Heneral! Naluspad sa pangilogkilog, mitindog gilayon si Don Timo teo wala magpaila sa kasakit sa kubal sa iyang mga tiil, ug inubanan sa iyang anak ug sa ubang mga dagkong tawo, nanaog aron pagdawat sa Magnum Jovem. Nawala kaniya ang sakit sa hawak gumikan sa pagduhaduha nga misantop kaniya niadtong higayona; unsaon niya pagsugat? Magpahiyom kaha siya kun magaugdang ba hinoon? Siya ba kaha ang mouna
