- 269
muslan ang higayon aron sa pag-inom sa mga alak, ug gipangayo nga pasultihon si Pecson.
Si Pecson nanguros sa dakung kaugdang, mitindog nga nagpugong pag-ayo sa iyang katawa, ug sinunod ang usa ka paring agustinos nga niadtong panahona nabantug pag-ayo, mi sugod sa pagyagubyub, sama sa nagyamyam sa tima sa iyang wali.
“Si tripa plena laudat Deum, tripa pamelica laudabit fratres.” Sa ato pa, kon ang tina-i nga busog modalayeg kang Bathala, ang tina-i nga gutum modalayeg sa mga prayli. Mga pulong nga gisulti ni Don Costudio sa baba ni Ben Zayb, man talaan “El Grito de la Integridad,” ikaduhang sinulat, binuang 157....
“Mga hinigugma kong igsoon Hesukristo.
“Ang kadaut naghuyop sa iya ug mahugawng gininhawa sa mga lunhaw nga baybayon sa Praylandiya, nga giangaan ug Kapopod-ang Pilipinhon. Dili moagi ang usa ka adlaw nga dili molanog ang usa ka pagsaway, usa ka pagbiaybiay batok sa mga talahuron, tinahud ug giwali kanunay nga mga korporasyon, nga dili makapanalipod ug kulang sa sandiganan. Tuguti ako, mga kaigsoonan, nga sa usa ka panahon magpaka kabalyiro ako aron sa paglaban sa mga kimay ug mga balaanong kaponongan nga nagtoon kanato ug nagmatuod, sa makausa pa, sa hunahuna nga nahimutang sa sanglitanan nga “usa ka tina-i nga kusog modalayeg kang Bathala, usa ka tina-i nga gutum modalayeg sa mga prayli...
— Maayo, maayo ...
— Pamati, misulti si Isagani sa dakung kaugdang; ako ikaw nga pahimangnoan nga kon maghisgut ka gani sa mga prayli, ako dunay gitahud nga usa.
Si Sandobal, nga malipayon na kaayo, misugod sa Paglaylay:
Usa ka prayli, duha ka prayli, tulo ka prayli sa korooooo.
Sama ra gayud sa kahimtang sa usa ka taroooo...
Pamati, mga kaigsoonan, ilingi ang inyong mga mata sa mga maanindot nga adlaw sa inyong pagkabata; sud-onga ang kahimtang karon ug sutaa ninyo ang umaabut. Unsay inyong makita? Mga prayli, prayli, prayli! Usa ka prayli maoy mo-
