- 249
nangitag kalinaw ug tingali maoy hikaplagan ang mga pag-antus, diin misulod nga putli ug walay buling ug tingali namatay ingon sa usa ka lawos nga bulak!
Katulog sa kalinaw anak nga walay palad sa akong rnasolub-ong Yutang Natawohan! Itunod sa lubnganan ang kaanyag sa pagkabatan-on nga nalawos sa kinataliwad-an sa iyang pagpangalimyon! Kon ang usa ka lungsod dili makahatag sa iyang mga ulay usa ka pinuyanang malinaw, sinilongan sa balaang kagawasan; kon ang tawo mao ray ikabilin ang kaulawan sa iyang balo, mga luha sa iyang inahan ug kaulipnan sa iyang mga anak, maayo pa nga magapadayon kamo sa pagkaulay sa gihapon ug tuokon ninyo sa inyong sabakan ang binhi sa umaabut nga kaliwatang walay palad. Al, bulahan ka nga dili na mobati sa imong lubnganan sa kangutngut sa balatian sa mga magapamati sa siniyagit sa nanagtinga sa kangitngitan, sa mga naninguha sa paglupad, apan dili makahimo kay ginapus man, ug sa mga hapit na malumos, tungod sa pagka walay kagawasan. Lupad, lupad uban sa mga damgo sa magbabalak, ngadto sa mga dapit nga walay kinutuban, landong sa babaye, nga gidan-agan sa silaw sa bulan ug giawitan sa mga malubay nga kawayan ... Bulahan ang mamatay nga pagahilakan, ang magabilin sa kasingkasing sa hinigugma sa usa ka putling handumanan, nga wala mabuling sa mga dautang pagbati nga mangalisngaw sa katuigan! Lupad kay handumon ka namo sa gihapon! Sa putli nga hangin sa among Yutang Natawohan, sa ilawom sa iyang matahom nga langit, sa ibabaw sa mga balod sa sapa, nga giliyongan sa mga bukid nga sapiro ug sa mga lapiyahan nga esmeralda, sa iyang mga matin-awng subasuba, nga gidayan-dayanan sa mga bulak ug ginakalingawan sa mga alindanaw ug mga alibang-bang, sa ilang linuparan nga tiniaw-tiaw nga daw nagaduladula sa hangin sa ilalom sa gilandongan sa mga kawayanan; sa kahilum sa atong kalasangan, sa awit sa atong mga kasubaan, sa inulan nga mga brilyante sa atong mga busay, sa matam-is nga hayag sa atong bulan, sa panghayhay sa hinoyohoy sa kagabhion sa atong bulan, sa panghayhay sa hinoyohoy sa kagabhion sa tanan nga
