246
pig, sa imo bang mga mamumono kun sa imo bang lungsod.
Pagpili kay ang oras dinalian ako ming-anhi aron sa pagluwas kanimo tungod sa mga handumanan nga dili makapabulag kanato.
— Sa akong mga mamumono kun sa ako bang lungsod? — mingsunod sa mahinayng tingog si Basilio.
Ang batan-on naglisod; nagtan-aw sa alahero sa usa ka tinan-awan, diin maila ang kalisang, mingbati nga namugnaw ang iyang mga kamot ug tiil ug daghanang mga lubog nga hunahuna mingsangtop sa iyang panumduman; ingon sa pagahikit-an niya nga ang kadalanan nabulit sa dugo, pagahidunggan niya ang pinusilay, gipakaingon niya nga siya nahitiliwala sa mga patay ug samdan ug oh mabaskug nga kusog sa iyang naandan! nakita niya ang iyang kaugalingong larawan nga naga sinina sa hataas nga sinina sa iyang pagkamananambal nga namutol sa mga paa ug nanglugit sa mga bala.
— Ania sa akong kamot ang kabubut-on sa Gobiyerno, — nipadayon si Simoun; — ang iyang kusog ug sapi gipasuikan ko sa mga binuang nga buhat ug pagpagubat nga gipahaylo ko sa daghang salapi nga makita; ang ilang hunahuna atua karon sa tiyatro malinaw ug nangalingaw sa usa ka gabiing malipayon, apan bisan usa kanila walay makahigda pagbalik sa unlan... Aduna akoy mga sundalo ug tawo nga nagahulat sa akong kabubut-on. Ang uban gipatoo ko nga ang Heneral maoy nagasugo sa pagpaalsa, ang uban gipatoo ko nga ang mga prayle maoy nagasugo; ang uban gipamalit ko ug gipanaaran kog mga katungdanan; kadaghanan, daghan kaayo ning-apil aron sa pagpanimalus, kay gipanaugdaugdaug kay wala na may kapaingnan kong dili ang pagpatay ug pagkamatay... Si kabesang Tales anaa sa silong ug — mikuyog kanako hangtud dinhi! Balikon ko ikaw sa pag-ingon mouban ka ba kanamo kun palabihon mo ba nga kaligotgutan ka sa akong mga sakop? Sa mga panahong malisod, ang pagpalingpaling makahagit sa kaligutgut sa duha ka manag-away.
Si Basilio nanglipowas ug makadaghan sa iyang agtang ingon sa buot momata sa usa ka makalilisang nga dam go: na kita niya ang iyang agtang nga mabugnaw kaayo.
— Na! dali na pagpili na! — mibalik pag-ingon si Simoun.
