209
mga lungsod nga ubos kanila, mogamit sa latus... kita naggamit mga laing paagi nga masayon, apan labing seguro; ang paagi nga gigamit sa mga prayle labaw pa kay sa latus...
Kining mga pulonga niya nabantug kaayo, ug sa dugay nga panahon gibalikbalik paggawi ni Ben Zayb ug ingon man usab sa tibook Manila; ang Manila nga masinabuton misunod usab, ug unya miabut hangtud sa Madrid ug gihisgutan sa Dalam ug giingon nga gikan sa usa ka liberal nga dugay nang nakapuyo sa Pilipinas, ugbp., ugbp., ug ang mga prayle, nga nalipay kaayo nga sila gihimog sanglitanan, ug sa pagkakita nila nga midugang ang ilang kabantug, naggasa kang Don Custodio ug daghang matam-is nga chocolate, mga gasa kini nga giuli sa dili mapiog nga Don Custodio, kansang katul-id ug katarong gipananglit ni Ben Zayb kang Epaminondas. Apan, kining bag-ong Epaminondas naggawi sa uway nga iyang ilatus sa mga higayon nga masuko siya ug nagtambag nga ipasunod ang iyang paagi.
Niadtong mga adlawa, ang mga kombento, nga nahadlok nga siya mopakanaog ug hukom nga dapig sa mga tinon-an, nagpadayon pagpadala kaniyag mga gasa, ug sa hapon nga ato siyang gikakita, nabalaka siyag maayo nga malusno ang iyang nabantug na uyamut nga kaabtik. Kapin na sa napulog lima ka adlaw nga ang ekspediyinti diha sa iyang kamut, ug niadtong buntaga, ang taas nga kawani, human modalayeg sa iyang kaabtik, nangotana kaniya sa iyang hukom. Si Don Custodio mitubag sa dakung kaugdang nga nagpasabut nga human na niya buhata; ang taas nga kawani mipahiyum, ug karon kadtong pahiyuma nakagool ug nagagukodgukod kaniya.
Ingon sa gisulti ta na. siya nanghuy-ab ug nanghuy-ab. Sa usa niya ka panghuy-ab, sa diha nga gibuka niya ang iyang mga mata ug gitakpan ang baba, hiaiinggatan niya ang hataas nga talaan sa mga timaan nga mapula nga gihapming ug gipahimutang pag-ayo sa usa ka matahum nga estanti nga kamagong: sa luyo sa tagsatagsa ka timaan mabasa ang mga dagkung letra: Mga HUNAHUNA.
Nahikalimut siyag makadiyot sa iyang mga kagool ug sa kiaykiay ni Pipay, aron sa pagpalandong nga ang tanang mahisulod niadtong mga hunahunaa nagagikan sa maidlot nga ulo
