199
kaugalingon, gikabsan siya sa kaisug sa paglantaw’ sa iyang
kagahapon... Dili mahimo nga kakulangan siya sa 1kaisug karon hinoon nga hapit na moabut ang panahon, dili mahimo
nga kawad-an siya sa pagtoo sa iyang kaugalingon... Ug, sanglit ang mga anino sa mga alaut kansang dautang palad siya
ang nakaingon nagpadayon man sa pagpakita sa iyang mga
mata, sama sa bag-ong nangguho gikan sa kinahiladman sa
sapa ug nagtunglo kaniya ug nagtunol sa ilang mga kamut;
sanglit ang mga mahay ug mga bakho mao ra mag milanog
sa tanang dapit ug nadungog ang mga hulga ug mga panumpa
sa panimalus, mibiya siya sa bintana ug kaha mao pa kadtong
higayona nga siya giabut ug kahadlok ug mikurog.
— Dili, tingali masakiton ako; tingali dili maayo ang akong lawas, nagpangyamyam siya; daghan ang nagdumot kanako, daghan ang nagpasangil kanako sa ilang dautang palad, apan...
Ug sa pagkaalinggat niya nga ang iyang agtang mainit, mitindog ng midool sa bintana aron sa paghanggap sa mabugnaw nga hoyohoy sa kagabhion. Sa iyang tiilan nagadagan ang tubig sa Pasig, nga sa iyang ibabaw nagpangidlap ang mga bula, daw nagaamag sa iyang baled, nagatuyok, usahay modagan ug usahay mosibog, nagasunod sa sulog. Ang siyudad makita sa laing daplin, ug ang iyang mga itum nga paril mao rag makapahadlok ug puno sa tanghaga, apan ang kapintas mao rag natago sa kahayag sa bulan, nga mohatag kaanindot sa tanang butang. Apan si Simoun mibalik pagkurog; mao rag nakita niya sa iyang atubangan ang nawong amahan, nga namatay sulod sa bilanggoan, tungod sai pagbuhat mga kaayohan, ug ang nawong pa gayud sa laing tawo, nga labi pang maugdang, nga mihatag sa iyang kinabuhi alang kaniya, ubos sa pagtoo nga siya maoy motubos sa iyang lungsod ...
— Dili, dili na ako makasibug, mituaw siya samtang namahid sa singot sa iyang agtang; ang gibuhat ko taas nag gitulinan ug ang iyang pagdaug makahatag kanakog katarungan... Kon nanag-ingon pa ako kaninyo, dili unta ako mabuhi... Palayo kamo, mga bulawanong mithi, mga hunahunang maloloy-on... Kalayo ug puthaw maoy gikinahanglan aron ipaso sa hubag, silot alang sa mga kahulayan, ug kon ang galamiton dili magpulos, siya mabu-ak da sa iyang kaugali-
