4
sa bansagon nga Ybanez) nga nagatuo nga sa Manila adunay mga tawo nga naghunahuna tungud lamang kay siya si Ben Zayb nagahunahuna man; didto man unta ang usa ka “canonigo” sama kang Pari Irene nga nakapasidungog uyamut sa kaparian, pari nga mapula-pula ug nawong nga kanunayng gihimungotan, adu nay ilong nga sama sa ilong sa hudiyo, ug nagasul-ob ug sotana nga sida, maayong pagkatabas ug tinauran ug mga magagmayng botonis; ug sa katapusan, didto man untay salapian nga magbabaligyag mga pahiyas sama kang Simoun, tawo nga maoy giilang magtatambag ug magsosugyot sa Kapitan Heneral; ug unya kadtong mga tawhana nga maoy mga haliging sinaligan sa Pilipinas, nanagtipon didto nangalingaw pagsulosulti ug wala lamang managtagad sa usa ka babayeng pilipinhon nga mingsalikway sa iyang kagikan, nga nagatina aron mabulagaw ang iyong buhok . . . kining hitaboa tuod makaupos gayud sa pailob sa usa sa Hob nga babaye, ngalan nga gagawion ni donya Victorina sa higayon nga makigtandi siya kang bisan kinsa. Ang saput ni donya Victorina magaanam kadaku inig-singgit sa kapitan nga “babor!” “estribor!”2 Ug unya kuhaon pagkalit sa mga mananakay ang ilang mga tukon ug itukod sa tangpi sa suba dapit sa wala kun sa tuo ba, ug sa ingon niana ilang pugngan ang bapor aron dili mahisangyad niadtong dapita. Kon sa ingon nianang kahimtanga sud-ongon ta ang ginatawag ug sa kayan sa kapunoanan, makaingon kita nga ang kaganina nagbagood pagkamang, karon nahimo nang alimango nga nagasibog paglakaw inigpaka-hibalag niya ug kalisdanan. — Apan, kapitan, ngano ba ugod nga ang bapor anha man dihang dapita paagia sa kuwanggol nga imong gipiyalan pagkakupot sa bansalan? — nangutana si donya Victorina nga naglagot pag-ayo.
— Tungud kay sa pikas nga daplin mabaw da man kaayo, sinyora — motubag ang kapitan nga magapayamtak pagsulti ug piyong-piyongon paghinay ang iyang pikas nga mata.
Kining sinultihana nabatasan na sa kapitan daw kanunay siya nga nagamatngon pag-ayo aron dili masayop ang iyang mga
pulong.
2 Mga pulong ginagawi sa mga mananakay. Babor”, sa ato pa, kiliran nga wala sa sakayan kon atubangon ang dulong; “estribor”, sa ato pa, kiliran nga tuo sa sakayan. — P. sa Taghubad.
