172
makalisang ng makapatingala, nga magtukmod gayud kanato sa pagtan-aw. Bisan si Ben Zayb, si Pari Irene ug si Pari Salvi wala pa kanilay nakita. Si Juanito Pelaez da ang miadto usa ka gabii ug nagsugilon sa usa ka pundok sa iyang kahibulong.
Si Ben Zayb, tungod sa iyang pagka gumapapan, nangitag usa ka katin-awan; si Pari Camorra nagsulti sa mga yawa; si Pari Irene nagpahiyom, ug si Pari Salvi nagpakitag kaugdang.
— Apan, pari, ang yawa dili na moanhi; kita igo na kaayo aron makapaispidno kanato . . .
— Kon sa ingon niana, dili kita makahatag ug katin-awan . . .
— Kon ang kinaadman . . .
— Hisgut gihapon sa kinaadman!
— Apan pamati-a ako; ako ang mohatag katin-awan. Tanan mao lamay paglamat sa mata, wala pa ako makakita niana giingon nga “ulo,” ug wala usab ako mahibalo kon giunsa pagpasundayag, kini siya — gitudlo si Juanito Pelaez — nag-ingon kanato nga layog kalainan sa mga ulo nga mosulti nga nakita na sa uban — tugutan ta. Apan, ang paglalang mao ra; tanan mao lamay usa ka paglamat sa mata; hulat una, ibutang ang samin sa ingon niini, unya laing samin sa luyo, ang larawan mosumbalik . . . humana ko isulti, usa ka Gomonhap sa Fisica.
Ug nananangtang sa mga paril sa mga samin, gituwad, gipahimutang sa lainlaing pagkabutang, ug sanglit wala man mogula ang iyang gisulti, miingon:
— Mao lagi, usa ka paglamat lamang sa mata . . .
— Apan unsang samina kanang buot ipasabut, nga si Juanito nag-ingon man kanato nga ang “ulo” anaa sa sulod sa usa ka kahon nga gibutang sa ibabaw sa usa ka lamisa . . . natahap ako nga kana bunga sa Espiritismo, kay ang mga Espiritist kanunay man nga mogamit sa mga lamisa, ug ako nagtoo nga si Pari Salvi sa iyang pagka Gobernador sa simbahan, kinahanglan magsugo sa pagdili nianang talan-awona.
Si pari Salvi wala magtingog; wala siya moingon nga Oo, wala usab moingon nga dili.
— Aron paghibalo kon sa sulod aduna bay mga yawa kun mga samin, misulti si Simoun, ang labi ninyong maayong buhaton mao ang pagtan-aw.
Ang hunahuna gituhoan nga maayo ug giuyunan sa tanan, apan si pari Salvi ug si Don Custodio nagpakitag kalaw-ay. Sila
