- Sic itur ad astral
Usa ka buntag niana sa bulan sa Disyembre, ang bapor TABO nag-ilaid pagpanungsong sa liko-likong suba sa Pasig nagdala ug daghang mga sumasakay padulong sa lalawigan sa Laguna. Ang maong bapor bulalo ug panagway, malingin hapit sama sa kabo diin kuhaa ang iyang ngalan, mahugaw bisan maputiputi, katahaan ug maugdang nga sud-ongon tungud sa pagka-hinay niya nga molakaw. Bisan pa niining iyang mga apan, kadtong bapora gihigugma niadtong mga dapita, kaha tungud sa iyang ngalan nga tinagalog kun tungod ba kay nagdala man siya sa kinaiyang kaugalingon sa mga butang sa Pilipinas, maagid-agid sa usa ka pagdaug batok sa kauswagan, usa ka bapor nga dili gayud kaayo hingpit nga bapor, usa ka butang nga walay pagka-balhin, daghan siya ug kulang apan dili usab kaduhaduhaan nga bapor gayud siya, bapor nga bisan tuod miawat ug diyutay sa Kauswagan, igo lamang siya nga gihid-hiran ug diyutay nga pintal nga manipis.
Ug kadtong bapora intawon lubus gayud nga Pilipinhon! Kon nuntan tag diyutayng maayong kabubut-on, hangtud matawag ngani nga sakayan sa Kapunoanan, binuhat ubus sa pagbuut ug pagbantay sa mga tawong Talahuron ug Hamili uyamut (mga prayle)!
Dinan-agan sa Adlaw sa kabuntagon nga nakapakuya sa mga balod sa suba ug nakapaawit sa hangin taliwala sa mga malubayng bulos sa mga kawayan nga nanurok sa masigka-tampi sa suba, makita ang maputing bapor nga nagabugwak sa iyang panghaw ug maitum nga aso: ang sakayan sa Kapunoanan, matud
4 Ingnon niana pagpaagi aron kiti mousbaw ngadto sa kahitas-on, — P. sa Taghubad.
