- 95
— nasayud ikaw kon kanang kuwintasa mao ba ang nakaingon
sa kahimtang karon sa tibuok nga katilingban? Pinaagi nianang kuwintas kaha nalumay ni Cleopatra si Cesar, si Marco Antonio
. . . kanang kuwintasa nakadungog sa mainitong mga pahayag
sa gugma niadtong duroha ka manggugubat nga labing bantugan sa ilang panahon, kana siya nakadungog sa linatin nga la bing lunsay ug mahapsay nga pagkasulti, ug — kaha naghinamhinam ikaw sa pagtaklay nianang kuwintas!
— Kinsa, ako? Bisag sa tulo ka pisos dili ako mopalit niana!
— Ikatugot kana ug kaluhaan ka pisos, barato na ngani! — miingon si Kapitana Tika nianang paningog nga magpasabut nga siya sinati kaayo niadtong butanga; — ang bulawan nianang kuwintasa maayo ug kon tunawon siya magapulos alang sa laing mga pahiyas.
— Kini maoy usa ka singsing nga dagway kaugalingon kanhi ni Sila — mipadayon si Simoun.
Maoy usa ka singsing nga halapad, binuhat sa bulawan nga tibuok ug adunay usa ka “sello.”
— Kanang singsinga gisul-ob sa iyang tudlo sa pagtimaan niya sa mga hukom sa kamatayon nga iyang gipakanaog sulod sa iyang “dictadura” — miingon ni Kapitan Basilio nga naluspad sa kahinuklog.
Gihiling niya ang singsing ug gisulayan pag-ila ang “sello;” apan bisan giunsa na lamang niyag bali-bali paghiling ang sing sing, sanglit wala man siyay alamag sa “paleografia,”1 wala gayud siya intawon ing nabasa sa nahisulat niadtong pahiyas.
— Pagka-dakug tudlo ni Sila! —miingon siya sa nadugay na; — sa lukong niining singsinga mahasulod ang duroha nato ka tudlo balikon ko pag-ingon: nagaus-os gayud kita.
— Aduna pa gayud ako ing laing mga alahas nga daghan...
— Kon ang tanan maingon-ingon niini ug panagway, salamat lamang! — mitubag si Sinang; — palabihon ko ang mga pahiyas nga bag-o.
Ang tagsa-tagsa mipili ug usa ka pahiyas, adunay mipili ug usa ka singsing, adunay mipili ug orasan, “guardapelo.” Si Kapitana Tika mipalit ug usa ka "relicario” nga sinudlan ug usa ka tipik sa bato nga gipanukoran sa Atong Ginoo sa ikatulong pagkapukan niya; si Sinang mipalit ug usa ka parisan nga ariyos
__________
1 Kaalam sa pagbasa sa mga sinulat sa kakaraanan. — P. sa Taghubad.
