patnagan ed sikaton singa kabusol toray papari, diad sakey ya
oras a maong so ulo to, sinogsugan ton onalis ed Ateneo Municipal1 a nadadayew ed saraman ya agew.
Singa alukasan ed saray mata toy sakey a balon mundo, panagbangat ya agton balot ininap a totumboken ed saman a Kolijio. Likod labat so bengat laran andi k akabaliksan tan pigaran gawa ran inougaw, mapalaloy kelaw tan kakaayapan tod panagbangat da, tan ontan met a napnoy pisasalamat a bibirbiren toni ingen ya utang a linawa so seseg daran may managbangat. No arum makanangis ed pakanunot toy apat taon a linmabas a diad kakulangay nagastos et agto akapanaral diman. Nairapan a nanaral a maong ta pian makaabot a makapipara ed saramay wadman a sustoy ginapoan da, tan nayarin ibaga ya diad saksakey taon et kuentay limay taon so inaral to. Nilabasan toy bachillerato (AA ya tatawagen natan) ed baleg a liket daray propisor to ya nen asabi iksamen et impangta ran impasirayew ed saray paparin dominikon imbaki rad man a manbantay. Sakey ed saraya, dia lagid panebseb toy daiset ed onman lan liket na linawa, tinepet tod Basilio no iner so nanaralan toy latin ed inmona ran taon.
“Diad San Juan de Letran, ama,” kuay ebat to.
“Kuanko la! aliwan makapoy ed latin,” inkuantod satan ya imisimisan imay dominiko.
Maniapod sikatoy kaalakay linawa to, tan lapo met lagid ontukoy ed walna tan liknaan ton dili, say inaral to Medicina; si Kapitan Tiago mas labay to komoy Abogacia ta piano walay abogado ton gratis, balet to dia lantid Pilipinas aliwan basta makabat so abogado ya atalusan ton maong ya atalitali amin a onkokurang iran ganggan a totuntonen ed okuman et dakel lay ipireg dad sikaton asunto; nakaukolan a manalod kolkol, tan piano manalo, kapilitan a dakel so kakaaro to, nakaukolan a walay pakayari tod bandad tagey, tan aralem a kasiliban. Inmonor lan lamang si Kapitan Tiago ta anunotan ton saray manaaral na Medicina dakel iray ondadalan ed lima ran bangkay, insan sikato abayag lan manaanap na samal ya iyan tod tari ray lalong ton ibubulang tan say sankaabigan lan amta to
______________________
1 Say Ateneo de Manila ikokurang day paparin Jesuitas tan saraya mas maong so panagbangat da nen saray dominiko masiadoy abig dad saray estudiante ra tan anggapoy dumay panagtrato rad saray manaaral a kakastila tan pilipino ono totood arum niran bansa. Diay nanaralan nen Rizal.
