DIAD PANNODNUNOTAN
ED SARAY PAPARIN, DON MARIANO GOMEZ (85 taon)
DON JOSE BURGOS (30 taon)
DON JACINTO ZAMORA (35 taon)
YA PINATEY IRAN NILIPIT ED BAGUMBAYAN
na 28 na Enero na taon a 1872
---oOo---
Say Religion, diad agto impamaabeba ed sikayo, nanduarua ed kaugsan ya impakasalanan ed sikayo; say Uley, diad impamalkot toy kausa yo na misterio tan kabilungetan, ipasisia ton walay bengat lan lingon agawa ed masegsegang iran bekta, tan say lapag a Pilipinas, diad pangagalang toy pannodnunotan ed sikayo tan panatawag tod sikayoy martires, agton balot birbiren ya nankasalanan kayo.
Angga sirin ed ag pakapalinew na impibiang yod gewgew
ed Kavite, manangaro kayo may andi ed Dalin yon nianakan,
manangaro kayo may andi ed kaptekan tan kawayangan, walay
pankatunongan kon mangisaklang ed sikayo nian kimey ko, ta
apaunong kayon apasegsegang na kaugsan ya labay kon naerep,
tan kaleganay panaalagar na agew ya pangipulang na Españay
galang yo, ya agto akoen ya ebatay impatey yo, onkana raya
komon ya egpang ya singa atantan a balanget ya bulong iran
amagaan, ya igaton ed tapew na ag kabat ya pasen na lubok
yo, tan siopa man ya anta anggapoy nipanengneng ton pakapatnagan et paugesen toy pannodnunotan ed sikayo, namantsaan
pa komoy lima to ed dala yo!
