Saray akabasay inmonan parti to nian uliran, nanunotan. da ni angankoy sakey a masiken a komikíyew a manaayam ed utel na sakey a takel.
Si Tandang2 Selo mabilay ni tan anggaman amalakpak lay uló tod uban, mabiskeg nin siansia. Agla balet mangaanop tan ag met la manbabatang na kiew, ta manlapod inmabig so panagbilay to; manggagawa labat na panis a panpalabasan toy oras.
Si anak ton Tales (say ngaran ton peteg Telesforo) akisamak nen saman ed sakey a mayaman, balet ta diad kurang na agew nen walalay duaran dueg to tan tipon ton pigan lasus pisos, ninunot toy mankimey ed dálin to lan díli ya katulongan to ray amá to, asawa to, tan taloran ának to.
Nanpili ray makdel a katákelan a miketeg ed báley ya isisipen dan anggapoy makankien, tan ginapoan dan pinalaspa san, pinálatan, pinalinan, tan nilínisan. Legay kimey na impanbabatang day kakiyewan, impankaingin, impanbebekay lamulamot, tan impanbónag na dálin, nanbabales iran nanpepetang, ya inatey ed ebeng tan kapoy si iná tan anak a biin pangoloan a manngaray Lucía, ya saya inatey ed kagkaaliguasan to. Saman ya inkagawa ya no tungtongey tua et nisengeg ed impanbibikual day dálin ya agnin balot abáka, ya diad panggawa nia lanti et dakdakel so nasungap a makapangiter na sakit, impasen dan mauges a kababales na bantay ton man
____________________
1 Say panangibagad salitay tagalog "Kabesang Tales." Nanlapo ya ed cabeza salitay kastila ya say talus to uló. Say Kabesa sikatoy pangulo na togiop na pigaran boleg a tatawagey balanggay. Say Kabesa na balanggay odi- no baranggay, ta sikatoyay panangisulat day kakastila, nagnayon la ya ag apul- tot. Saray Kabesa de balanggay sikaray ikakanay Gobierno ya managsingil na buis kanian singa nanmaliw met iran maneegnay betang, tan dakel ed saray natoturó so agda aakoen ta mairap ano ambelat da yan gawá.
2 Salitay tagalog a say labay ton ibaga masiken; sayan pananawag nantarok na panangaro tan panangigalang.
