Basilio Sancho,1 puñales! singa bilang ag nira binmilí sasaliwen nanlapod saman ya anggad natan Ha, ha, ha! Anto
bilang so makasengeg a say bayar na biniag et daiset nen say
bili sakey a nganak ey? Siak balet mantetelektelekan ak, singilen koy anggaay nasingil ko, ya anggapo lad tay ibabagak.
Aliwa itayon maagom, antoy kuanyo, pári Salví?"
Diad saman a bekta linmongdaw so uló nen Simoun ed samay takayan ya inbotbot.
"Iner so nakar yo?" kuanen D. Custodion inkasi ya alingoanan to lan aminpinsan imay supiatan da tan ingungot to; "apalabas yo ray sankarakepan a nilalabasan tayo!"
"Psh!" kuanen Simoun a sinmegep ya aminpinsan; "ontan lay karakel na anengneng ko laran ilog tan marakep iran pasen a say atilak ya alakay linawak labat natan saramay walay tagtagaomen da....."
"No tagtagaomen, walaray nipaakar ed ilog na Pasig," kuanen Kapitán ta ansakit ton lemlemewen da may ilog a pansasakayan to tan panaanapan toy bilay: "nitay Malapad nabat ya ipapasen a batón sagrado ya ayaman daespíritu, kasakbayay indateng da diay kakastila; linmabas so panaon, alingoanan laman a malí, tan amurmura layan bató ya nanmaliw ya ubong day tutulisan a magrnainomay dan panagsabatan ed saray masegscgang a baloto ya aliwa labat lan agos so katulot da no agta sara met so totoo. Diad kurang na panaon ya anggad natan, anggaman wala laray pasakbay a ginagawa ray totoo, wala niran siansiay baloto ya ompapakalbon nateteneb, tan siak a díli no diad ibikuer ko ct agko ikanay anemiran pakaliknak, nisikdak ak met anganko ed diking to. Wala ni sakey a tagaomen, say ungib nen Donya Jeronima, ya nayarian nen pári Florentinon tungtongen ed sikayo.....”
"Amta la tay amin a too!" kuanen pári Sibyla ya singa agto ikabkabilangan.
Ni si Simoun balet ni si Ben-Zayb, ni si pári Irene, ni si pári Camorra anggapoy makaamta, kanian kinerew dan tungtongen, a saray arum pansutil dala, tan saray arum met ta labay dan tuan kabaten. Si pári Florentino diad tonoy bosis ya inalig tod bosis daran may onkekerew a mansusutil, a singa bilang komisan a totungtongan toray ugugaw a kokomisan to, inggapo toy onia:
___________________
1 Arzobispo ed Ibále nanlapod taon a 1767 ya anggad 1787.
