a Kapitana Loleng, akabuskag ed arap toy libron pangikukuritan toy onloloob tan ompapaway a kuartad komersio ra, balet
ta agto babasaen ni mangikukurit na anggan anto; agto met
aasikasoen a nenengnengen iramay lipong a naniinay perlas
sueltas,1 ni saramay brillante; singa to ra alingoanan ya aminpinsan ed pandedengel to. Si dílin
ton Kápitan
Toringoy—sikatoyay karinyo to, ta say ngaran ton peteg
Domingo—ya sikato lay sankaliketan a tood saman a distrito
ya anggapoy arum a gawa to no ag bukor na mamostura,
mangawes a maong, mangan, manpasiar tan mitungtong, legay
boleg ton mankikimey tan onaanap, ag inmakseb a mananap
na katungtong tora ta ondedengel met ya natatakot tan mansesgá ed saray makakebiew iran balitan awit nen kobabeng a
Chichoy.
Tan susto met so onman lan karerengel tan kapapagaan da. Si Chichoy nanlapod abong nen Don Timoteo ya angitulor na duaran kaparis ya ikaw ya onkanad kapankasal a manogang to nia, tan sustosuston asabian toy pamabagbag dan may kioskon kinmana nen imbeneg a lábi ya amakanan ed saray sankatageyan a mamakauley. Kasabí nen Chichoy ed sayan parti tungtong to, pinmoti lupa to tan binmegas so bagó to.
"Dios ko!" kuanto; "akamayamay a sakoy pólvoray nalnalmo ran indadátak ed amin a pasen,..... diad silong na tabla, diad bóbida, diad silong na lamisaan tan diad saray yurongan! Kapalpalaran lan anggapoy mantatabakod saramay mankikimey!"
"Siopa balet so angian iran tan a sákoy pólvora ey?" tepet nen Kapitana Loleng ta mabayani lanti tan ag ompepesiaw so lupa ton singa si manangaron Momoy. Sakey ni si Momoy akibansal kanian natalusan so pangimlit na bagó to ya anggan linmabas lay kaatapan. Asinsingger nimet so niyurongan tod mad kiosko!
"Sikato tay anggapoy makatalus a makapangipaliwawa. Siopa bilang so walay naala tod kaguloy punsia ey? Saksakey no bilang, kuanen abogado Pasta ta wadman a dinmalaw, ono sakey a kabusol nen Don Timoteo, ono sakey a katagam nen Juanito....."
Saramay mamarikit nen Orenda agda apukpokay inlingaw dad Isagani; saya akaimis ya andi esel.
11 Perlas ya ag iningasti.
