toy kabaleg na kasalanan to." Intalus toy insurob nen pári
Irene ed silong na lamisaan ya "ag napukpokan a sinmipor lad
inkianak ton bayani, ya anggan say dílin ábitoy Dios na kareenan tan lemek na linawa ya inkawes to lan legay panbibilay
to et agto narep;" ta si pári Irene tinakbaan ton sisinkaten imay
mauges a too ya sikatoy akasengeg na nisubsoban tod silong na
lamisaan. Kinalamit to met iran sinalitay dalan irad dalem na
dayat, binitla toy sakey a kanunotan nen Don Custodio, impanunot ton tinawag so imano ed atagey ya aral tan andukey
iran impanbabaroy na asalita lan pári. Say inkaalimureng nen
pári Salví, impaakar ton say baleg ya ermen ya akalimbos ed
sayan masimpit a pransiskano, ed impakanengneng ton anggapoy gunggonan nanaala ray indio ed masantes iran panagsirmon to; say agda impakagalaw cd inkabiglaan da tan takut
daran may mangakan a sakey ed sikaray kondesa ya "sinarel"
toy pári Salví, (say tuan agawa pineketan to), pakanengnengay
bayani, ya apasal la rad kaatapan ed pananumpal day nabebetangan da ya no yampar ed sikaray sinador iran romano nen biniglaan iray totoon galos¹ a nilooban a binakal, et aliling da labat
so matalaw iran mamarikit ya antakut dan pati impintan asipet.
Insan to impatumbok, pian malinlinew a nanengneng, so dumay
itsura ton may matakew ed sikara: napnoy takut andi duma
tod ambagel, alagaan, matá to ray manligab a makapataktakut,
lupa toy nagba, et,—alay biskeg na katagiay poli!—ta sinmabid sikatoy masantos a panamagalang nen anengneng to rad
man ya asimpok so ankablin inkatoo! Insanto dia insalet a
makalakalat so andukedukey ya impangisambá, kinon diskurson mapasang ya panamauges ed inkaderal day ugalin maabig,
tan say pankaukolan na pangiletneg tan panlayon na uley na
militar, ed onggendan iran balikas, "say pangipaakseb na Uley
na Militar ed pasen laran abitla tan panggaway tuntonen iran
ganggan a niduma, ganggan iran mamegpeg, malet tan mabiskeg, ta nakaukolan tan kapilitan ya andi abalan ipanengneng
tan ipalikna ed saray mauges a totoon makasalanan a no say
puso et mapangasi tan singa ateng a maaklolo ed saray anlemek a linawa tan matulok ed Uley, say lima mabiskeg, masekder, ag mangongpang, masebeg, tan malet a manusa ed saramay onsumlang ed katonungan ya ontongangan onkulang ed
________________
1 Totoo ya taga Galia, pasen yan maawang ed Europa ya kawalaan natay Francia, Sabaya, Suiza tan amin ya dapat na Alemania tan saray Paises Bejos ya dadalaney ilog ya Rhin.
