kan toy inkasikato tan linmingaw ed liberliber to. Anggapo ray sondalo; saray lalakin mansisirbi agto ra kabkábat.
"Ituloy tayoy pangakan tayo, sinyoris," kuanto, "tan agtila asikasoen itan a lurey!"
Say bosis to balet manggiwgiw kanian inbis a nabawasay ukut da pinmalalo.
"Isipen kon satay Mane thecel phares, et agto kabaliksay pateyen da itayod sayan lábi?" kuanen Don Custodio.
- Anggapoy ginmalaw
- "Nayarian da itayo balet a samalan.....
- Inikbanan dan ami kubiertos da.
- Samay silew ginmapon nankalkalnan kinmuyep.
"Nanaerep so lamparaan," kuanen General a mapagpaga; "labay yon itoloy pabilo, pári Irene?"
Diad saman a bekta aliling na kirmat ed siglat ya tinmobong so sakey a toon asipa ton atumbay sakey a yurongan tan atalapos toy sakey a igaganggan, tan diad baleg a inkikelaway amin a wadman, sininkat to may lamparaan, batik dimad batalan tan imbantak tod ilog. Ag akireman ed siglat, tan ambilbilunget so pananganan.
Dinmapo lad danum imay lamparaan nen naimangmangan irad inkabiglaan day igaganggan ya akaingal na:-"Matakew! Matakew!" tan alalagorog met iran batik dimad batalan.
"Sakey a paltog!" kuay sakey a maningal; "ganat yo, sakey a paltog! Sinkat yoy matakew!"
Samay too balet mas maliksi ni nen sikara, ailampat to la may kinsikinsin lario, tan kasakbayay impakala ray silew, tinmaboy lad ilog ya nangel sc tanol na laman ton dinmapod danum.
