dakdakel met a pilak so manaalagar ed sikaton akadepósito ra
ed pigapigan Banco ra ed Europa, pigapigay ankakabaleg ya
abong to, balet ta dakel so apaunong tan apasákitan to, akamayamay so mamubusol ed sikato ed Corte, tan samay atagey a
betang ya empliado wadman a mantataláran cd sikato! Saray
arum a Sankatageyan a General ya tinotumbokan to, agangganó
met iran nanpayaman et linmapog lara natan. Anto kasi no
tumboken toy simbawa nen Simoun tan natilak ni dia? Andi,
makababaing yan gaween! Sakey ni pati saray panangitewek
dan panangigalang ed sikato, aliwa lan maabeban singa unong a
gendat, nanaimano to ni ingen a no arum terteregan dan ag
alisay matá ya nantarok na ag panlabay so kanenengneng da;
tan sikato kalamor siansian mababig so kakaebat to tan manimimis ni ingen.
"Sankapatnagan ya onseselek lay agew!" kuanen pári Irenen inesaes ed layag nen Ben Zayb; "dakel la ray nayarian dan selengen natan a lupalupaan!"
Agay met layan kúra ay, naonaan to la ngola, anta sikato may ibaga to met lawari!
"Agi!" kuanton inopit ed kaabay ton bii may angiparad Don Timoteod ugawugaw a manlukso, "akanengneng ka lan tan ya itsuray sapey?"
"Uy! Saratan iramay kortinad Palasio!"
"Sian tua, awa? Kelkelen da salon amin ya awiten! Nengneng mo, anganko pagawa ton kolibenben to ray alpombra!"
"Anto konoy wala ey, anganggad labay ton ibagan tan so ikakana toy uló to tan amta toy manpili!" kuanen asawa to ya nilimgis toy ansakisakit a pamano; "saray bibii nepeg day mansimpit!"
Saman a pangaskasiyan a dios likliknaen to ni binayaran ton bili balon kawes ya insambot nen asawa to.
"Ay saló! Itdan moak pay kortinan labinduay pisos so sakey bara ta nengneng mo no ikanak irayay insulong kon lupot ay!" kuay ebat nen diosan apika; "Jesús! Nayarian moy mansalita no naitdan moak lay ontan iran bilí!"
Legan da nian nagagawa si Basilio balet wadmad petek na abong ed utel day miron a bibilangen to ray totoon oneepas ed saray onsasabin luganan. Diad impakanengneng toy onman lan karakel na totoo ran malikeliket tan anggapoy pagpaga; nen
