linawan maletey ya uuleyan.1 Diad lupa ton maerermen
mabinta singa nababasay linak na kamarerua ton apabiskeg na
aral tan panagdalepdep, tan asubok man lági na maamot iran
apalabas to ran kaermenan. Sikato may pári Florentino ya
pangamaen nen Isagani, tan say impanbilay to nibagad antiktikey a salita.
Anak na sakey a mayaman tan walay kanengnengan a boleg ed Ibale, maong a indengan tan maligan kanunotan a makanan ontaloná ed mundo, ag balot linmiknad sikatoy pilalek a manpári; si ina to balet, nisesengeg ed ginawa to ran sipan pinasout ton onloob ed seminario, anggaman nanirapan to yan agamoran ya andukey tan ampetang ni ray supiatan da. Si ina maong so impikaaro tod arzobispo, binmalatyang so linawa to, ya ag balot napiing, unong ed naugaliyan day bibiin marasal ya inisip dan susumpalen day linaway Dios. Anggapoy agawaan nen malanguer nin Florentino ed insung. gay to, anggapoy agamoran day pikakási to, anggapoy kakanaay impangibaraan ton walay kaarowan to ya asabisabí lan naneskándalo. Ag napiing si ina to, panparien ton benlag uksoy, tan asumpal yan kanunotan kadateng tod duamplo tan limay taon. Say angorden ed sikato si dílin arzobispo, tadián baleg nen onaonan nanmisa, taloy agew so pága, tan nen ompatey si ina to, sinmipot a malikeliket tan napnapday linawa to ya impatawir tod sikatoy amin a kayamanan to.
Diad saman balet a tulot, asugatan si Florentino na ag balot
pinmigdan ta pigay simba kasakbayay cnaonan impanmisa to,
samay biin angisapsaponan toy áro to, akiasawad anggan siopa,
ed ontan lan inkaandian toy ilalo. Sankabalgan yan ermen a
pinalabas nen Florentino; abalang toy sekder na linawa to,
nanmaliw a kaalipanes toy bilay a ngalngalin agto nisongdo.
Anggane ekalen ni suri ugáli to tan panamagalang tod kipapasen to, saman ya andi-palar ya aro masarag lan angilaban ed
sikato ed mauges a kapepelagan da ray kúra tan lalaki ed
Pilipinas. Sinungpal toy nabebetangan to ya insaklang toy in
___________________________
1 Say labay ya ibaga dia sikara di pári Peláez, Gomez, Burgos tan arum niran papári ya taga diad sayan bansá, ya diad maktek dan panagnunat ed lipapasen ya inkapari ra agda isasaginunor so inkasikara ed saray papárin ampoti. Balet ta say agawa ed Cavite omman lan makatanagel ed sarayan paparin abitla, ya nanlapad saman saray paparin andeket (indio) tinmalaw ira, singa kabaliksan day kinmukot ya intewek dan insaginunor so inkasikara ed saray togiop day papárin kakastila.
