biew; "amin daray indio, saray mestiso, intsik, kakastila, amin
iray maletey a linawa ya kulang na biskeg tan sckder.....
Nakaukolan a pasimbaloen so polí! Saray ateng a payoti
anganggaan day mananak na onkana ran aripen, tan anggapɔy
gungonay mangigebá insan mangipaalagey ya ikaná ray abulok
a kiew! Panon, nakigtot kayo? Onggiwgiw kayo, antakut
kayon mangisibuag na patey? Anto tay kabaliksay patey a?
Anto bilang so kabaliksay pamatey ed duamplon libon masegsegang? Duamplon libon kairapan a nabawas, tan nilaksa ran
masegsegang ya nilaban lan aglara niának. Anggano say sankaleteyan lan linawan manouley ag manduduaruan mangipaakseb na sakey a ganggan a pansengegay segsegang tan nakankaninot ya ipapátey na nilíbo ed saray ouleyan ton manbibilay
wari ed kainawaan a makulikulí tan malikeliket lági kalamor,
diad pamerá to labat na bengat lan inalakay linawa to, ono sinmebang ed kanunotan, odino pasirayew to, insan sikayo balet
nakigtot kayo lapo labat ed diad sakey a lábi et napultot lan
aminpinsan iray sulit ya liliknaen dad pagew tan kalakal na
mapalet iran aripen, lapo labat ed ipatey na sakey a báley ya
apagpag tan aderal la, ta pian onsibual ya ombolaslás ed panlapoan toy sananey a bálo, walad kalangueran, makuli tan napnek ed biskeg? Antoy kabaliksay patey a? kuanko lamet a
tepeten. Anggapo, odino ugip no bilang. Antoy kabaliksan
na takut ed ipapátey no isimbang cd saray irap tan sulit ya
liliknacy lápag day masegsegang a totoon manbíbilay ed sayan
panaon ey? Nakaukolan a galpongen so mauges, pateyen so
dragon tan ikalbon yames so dalá to ed bálon báley ya onsulming ta pian ombiskeg ya ag kaney sakit. Sikatoyay ag nitalirak, ag napalemek na pikakási ya onkukurang a totuntonen a
ganggan ed panagbilay, totuntonen a ganggan ed pitotulot, a
say makapoy nakaukolan ya ompatey piano ag magnayon so
aderal a manpasuner so talbay pinalsa. Ipolisay la sirin iray
pagpaga ya onkalat labat ed bibiin maletey! Sumpalen iray
maandon totuntonen a ganggan, tulongan ira ta say dálin lalon
ombona no nasalog na dalá, manlápod saray tronoy pakayari
et lalon masekder iran ag onyugas no niletneg iran nisemento
ed gawa ran mauges tan nilosbon bangkay, ekalen lay pantalinduaay linawa, tan amin a duarua. Antoy kabaliksay sulit tan
irap na patey? Liknaan labat ed sakey a bekta, liknaan ya
aliwan malinew tan nayarin balibali ya singa labat no aleen ka
