This page has been validated.
301
Ataktakot imay kaiba to, tan terteregan ton atangá ya singa akanengneng na manbibitkel, insan batik lan inmarawi.
"Pangaskasiyan a tubonbalo!" kuanen pári Fernandez a makalkalna, ya akaluá; "panibíbegan koray papárin jesuita ya nambabangat ed sika!"
Nalílingo balet ya aminpinsan si pári Fernandez; saray papárin jesuita itátapat day Isagani, tan nen akabatan dad saman a ngaren ya nipangaw met, sinmabi pága ran nalanor to ra.
"Aliwá lay kasumpalan ton man a tubonbalo, tan nalanor to itini! Nakaukolan ya ipaamta ya aliwan diay akaaralan to ran tan a panagnunot!"
Tan agmet ira mantitilay papárin jesuita, andi: saraman a kanunotan bukor na Dios so lapoan da.
