ton sineleng si dominiko. "Onarum nid kanepegay sinansakey
ya manpirawat na naspot ya kaabi gan to, walay pilalek ya ibay
toon inanak ya mamabonay dili ton pakatalus, pilalek
a lalon
ontutubó no napepegpegan; tan say sakey a toon mangiiter na
pilak to tan mangisasaklang na bilay to ed Uley, walay pankatonungan ton mangipasout ya onkerew ed saya na kasileway
kanunotan to, pian laloy pankanawnawa ton mananap na pilak
tan mangiagel ed bilay to. On, Amá, walay makadaragdag ed
sikara, tan satan a makadaragdag, say Uley lan lamang, tan
sikayoran dildíli ya ontan lay andi panangasin panmumurmura
yod indion ag akaaral, ya isisiblet yod sikato ray pankatonungan
to ya ibabaraan yoy inkamureng to. Singa yo lalakseban tan
lalabusan, insan yo lelemlemewen a balbalawen ed kababaingnan
to!"
Ag inmebat si pári Fernandez; ag tinmondan mamaspasiar a sankapatnagay kaguguloy kalakal tan liknaan to.
"Kuanyo ta maawang iray kaumaan ya ag nababaka tan ag natataneman!" kuanen Isaganin intuloy ed sananey lan tonoy bosis, tan kalabas na aganon bekta; "agtila ukaiten ya anapey makasengeg nia ta makaarawi itayo lamet ed sasalitaen tayo; balet ta sikayo, Amá, sikayo ya manbabangat kayo, sikayo ya sakey kayon makábat, say labay yo sakey a bansá ya saray totoo to et tomatálon tan managkimey na ambelat! Akin diad sikayo say kipapasey tomatálon sikato lay nasnaspot ed kaabigan a kipapasen ya nasabi too? Odino say labay yo et betang yoy kakabatan ta betang day arum balet so kimey?"
"Andi, say labay ko say kakabatan ipagamor labat ed makankanepegan, samay makaamtan mankawalo," kuanen párin inmebat; "diad agew a saray estudiante et nipanengneng day panamabli rad kakabatan; no nasabi agew ya ompatnag iran tubonbalon walay sekder na kanunotan da ya amta ran yagel tan ipabirbir so kagalangan da, péraen met ira ed kakabatan. tan ditan met ira nanengneng ya ompaway so profesor iran maasikaso tan masumpal ed nabebetangan da. No walaray profesor a makapapaunong say makasengeg ta walaray estudiante ya alablabas a katutúlok!"
"Diad agew a walaray maong a profesor, wala met iray makanepegan ya estudiante!"
"Igapó yo sirin so manpasimbálo ta sikayoy lalon mankaukolan ya mangoman, ta ontumbok kamin tampol."
