Samay salas na "Pansiteria Macanista1 de Buen Gusto," dumadumay nengneng tod saman.
Labinapat a tubonbalo ya taga ankabaleg iran poloy Pilipinas, manlapod indion petepeteg (no kasi ta wala ray indion ag alaokay dalá ra) ya anggad kastilan inanak ed España, so wadman iran nandudoipo ya manliliket a mandem, ed panulok day bilin nen pári Irene, nisengeg ed asumpalay panbangat na salitay kastila. Inala ran sinipanan ya amin so lamisaan, impapaaruman daray silew, insan da impaipeket ed dingding ed ababay daran may kuadroy intsik yan nidumaduman kagaton ya inalig ed Biblia:
NAGALANG S1 CUSTODIO ED KAKABATAN TO, TAN PANSIT DIAD TAPEW NA DALIN ED SARAY ABEBAN LINAWAN TUBONBALO!
Diad sakey a bansan amin ya akotikotin makapalpalek et sasanibay kabintaan, a dakdakel iray ontatagey ed kipapasen ya singara labat globon ipapagpay asewek tan dagem a pinapetang; diad sakey a bansan say antokaman a makabaliksan tan matúan liknaan et makapauges ed ipaway tod pagew, tan nayarin panlapuay guló, sikato la ya angankoy sankaabigan a pangipatnag day liket da ed apaabig a ginawa nen nibantog a Don Custodio. Saray alurey balesen day impanlurey ed sikara na arakak, say marakep a kanen ya iter ed sikaray Uley, ebatan day sanlipong a pansit, et ontan man!.....
Manelelek ira, mansusutilan ira, balet ta mapatpatnag a say liket da et pinaspasout, nalíkas ya elek day giwgiwán, mabetbet ya matá ray ondalang, tan aliwan saksakey ed sikaray akaneng. nengay luan kinmidiám. Manwari, nibagan masulit iraman a tubonbálo tan aliwa ran matonung! Aliwan inmonaona man ya inkagawa ya onmay asumpalay marakep iran kaisipan, aliwan
__________________
1 Inarom so salitan Macanista ta akamayamay ed Ibale intsik íran nanjapod Macao, tan dakel ed saray kosiniron intsik taga ra Macao.
