to, inkurit tod kartera to man ya gawan sungpad kasimpitan, tan pian anggapoy duarua to, intewek toy daiset pian naneng. neng to no akapaway met so pueg da.
"Agí, saraya lantí bibiin taga Francia!" kuanton inmeremeré, legay kaisipan ton mantektckiab ed atatagey tan makabaliksan iran pamaakaran a manlilimpek la ngolay nambabangil iran kanunotan.
"Quoi v'lá tous les cancans d'la s'maine!¹..... so gapoy kanta nen Gertrude, sakey a marikit a maong a laman a paspasekiapan toy matan tekep na makaayayap ya imis si Kapitan General.
"Ay, walay onsayaw na cancan," kuanen Tadeo ya sikato nimet so akalay premio ed francés ed klasi to, ta apatipatan to yan salita. "Makaraig, onsayaw iray cancan!"
Panaaplosan to ray lima ton malikeliket. Si Tadeo, nanlapod inlukas na tilon agto aasikasoey tugtog ta say tatalaranan ton iimanoen labat saray ipaway dan makapakasalanan, saray sumlang ed kasimpitan tan kaadiaan ed kagagalaw may panangawes, tan anggaman samsamet so amta ton salitay francés masiadoy karerengel to ta agla pigá no walaray nabanwit tod saray salsalitan bastos ya impapasakbay da la ray malet ya censores ed bansa.
Si Sandoval ta say ipapatnag to et sarasarag toy salitay francés, sikatoy mangipapatalus ed saramay kakaaro to. No tungtongey tua pigpigara met so naremet ton francés a singa si Tadeo, balet ta binasa toy impapalapag iran nipaakar ed impanbilay ya ipapaway, tan say kakulangan papanoan to lay tekiab na kanunotan to.
"On," kuanto met, "onsayaw iray cancan tan samay angantan bii so mangipangulo."
Si Makaraig tan si Pekson inasirta da lay inengneng da ya manimimis iray araldalem. Inarap nen Isaganid biek ya mapalaloy irap na linawa to tan kababaingan tod inkiwala nen Paulitad man ya onnengneng niman a klasi ipapaway, tan nonunoten to lay miarnis ed Juanito Pelaez ed kaimbuasan.
Amagaan iran nanalagar iramay tubonbalo. Pinmaway si Serpolette, sakey a makapalikliket a katayatdang a marikit a
_________________
1 Salitay francés a talus toy: Antora balet so labitabir ed loob tonian sim- ba ey? Say talus na cancan nayarin "labir" nayari met a "sayaw."
