ompatey ed eras tan manilol ed pakakaibeg to..... Amin a kakanen a manlalapod Europa, maong ni may aderal la, masamsamit ed sikato. Tinambal nen Basilio nen imbeneg a bulan.
ta aderal so eges ton pinasia ed impangan toy sakey a botilyan
mostaza ya pangipatnag to labat lan taga Europa!"
Inggapoy orkistay anogtog na valse ed saman a bekta.
"Nanengneng mo may lakin makmabeng ay a lingawlingaw ed biek tan biek a singa manaanap na mangilúgay ed sikato? Sikato tay nababantog a gobernador ed Pangasinan, maong a too, balet ta ag makapangan no walay nibanan indion ag makapangigalang ed sikato..... Inatey la komon no agto labat nipaakseb so ganggan a bandoy panangilúgay ya akasengeg yay nibantogan to. Kási met la kalamor! Taltaloy agew to ni dia labat a sinmabin nanlapod luyag, aliwa lan dagdaiset so inebengan to! Ah! nitanlay gagálangen ya atagey ya inkatoo, imolagat mon maong iratay matam!"
"Siopa, satay asilot so kirep to ay?"
"On, sikato tay Don Custodio, si liberal a Don Custodio, tan asilot so kirep to ta walay mumurekdeken ton makabaliksan a kanunotan.....No nasusumpal labat ya amin iray kanunotan to, awey no anto la kasi itsuray mundo! Ah! niálay Makaraig a kaamong mo!"
Nitan lan tuay Makaraig a kaolop toy Pekson, Sandoval tan si Isagani, Kanengneng nen Tadeod sikara inabet to ran imbano.
"Agkayo onloob?" kuay tepet nen Makaraig.
"Anggapo lay nabotan min ticket....."
"Kaabibigan to ta walay palko mi," kuay ebat nen Maka- raig; "ag makapilay Basilio..... kanian sikayo lan duay mila, gálila."
Ag pinalabas nen Tadeoy impamagá nen Makaraig. Si kasulsulming ya estudiante balet ta mabaing ya singa amin ya indion taga lúyag, nanbaraan tan agdan balot apasout a milad sikara.
