ya sumlang irad inkuanto, tan inomanoman ton napnoy balaw
"Anto sirin! anto sirin!"
Pinmesiaw si pári Sibyla; onaoná man ya walay angibagad lupa ton mansasalitay kalokoan, sikato ya anta Vice Rector na Universidad; si Don Custodio aliwa labat a pinmesiaw so lupa to, no agta nanmaliw a malabuyong. Anggad natan, anggapo nin balot so dinagupan ton singbatan ya akanengnengan toy onman a katagam. Nalalawanan to met la!
"Sakey ya amerikanon kapalduay dalá ton nigro!" kuanton nguronguró.
"Indion alaokay inglés!" kuan met nen Ben Zayb a kalkalna.
"Amerikano, kuankod sikayo, sisia yoak ta amtak, kuay ebat nen Don Custodio a mauges so uló to; "si Kapitan General a díli so anungtong ed siak; sakey a managlakoy alajas ya akabat tod Habana ya unong na inap ko labat sikatoy angiter na kapalaran to, ya pinautang to anganko. Kaniantin pian makabayar, inawit to dia piano mankanawnawan makalmo, manpayaman ed panlako toy brilyanti... ya palsó ra pa lági, siopa ni makaamta ey? Tan ontan lay kalamangan to ya kayari ton kekelkeley pilak day indio et labay to ni ran.... pf!"
Tan insumpal toy ibabaga to na sakey a malinlinew ya andawes na lima to.
Anggapoy manmatalek ya angibesngaw na piabubon to ed sarayan pauges; no labay nen Don Custodioy misiblangan ed kinen Sankatageyan a Kapitan General, sikatoy akauley; balet ta ni si Ben Zayb, ni si pári Irene, ni si pári Salví, ni si apasákitan a pári Sibyla, anggapoy piyaen da ed sakey tan sakey ed sikara.
"Say nagagawa so sayan sinyor, manlapod amerikano, say pakaisip to angankon katalusan ono kaarap tayo saray indian ed America.... Palurey kayo tay salitaen to ratan a pamaakaran ya anta walad bapor. Pasouten, patuloken iray totoo!..... Tan sikatoy angibangat tan anugsog na pangibaki totoo ed Carolinas tan say kampanya ed Mindanaw a makasengeg irayay kasunkaan tin lápogan.... Insan sikato met so angioprisi laman to ya manasikasoy panggaway sakey a barkon pibabákal, tan
___________________
1 Kapital na Cuba, America del Sur.
