ra kalamor ed saramay mirón. tan manlapod agmet lan lamang
ira makatubong, pasasaragen da lay panbanbantay dad saramay
mapalpalar a makaloloob.
Wala balet dimay sakey a toon nidumadumá ya singa anggapoy walad sikato ed onman lan pilalek day arum ya ontubong, tan liket da met na arum a manmiron. Sakey yan lakin atagey. mabeng a matantantay panangakar ton isagarsagar toy sakey a salí ton mataltalker. Datdaan so amerikana ton kulor na kapi, tan nanpantaloy kinajonkajon a maringot tan mapitpitat ya akapalkap ed mapúkel tan mapmabeng iran ulpó to. Sakey a sombriron Calasiao ya mamapaabig la lági inkapilpilat to la, so akatoon ed uló ton balbaleg ya akabutbutay iray buck ton kolor na dapol a maringot a balangbalangaan, tan andukey a kinmokosiling ed sampot a singa buck na omaanlong. Say makatawag na imanod saman a laki aliwan say kawés to ni say lupa ton kastila ya anggapoy balbas ni bigoti to. no ag say ambalbalangan kolor na lupa to ya akasengeg na apangaranan toy Urang ya Insanglil, a sikato layay kabat a ngaran to. Sakey yan dumaduman nengneng na too: anta atagey ya inkaboleg manbibilay a liwagliwag ya aliling na mipapayabol; anta kastila agto ikabkabilangay katagey na kipapasen to ya napapaabeba tod panagkawes toy singa la luplupot. Kuanda ta sumusulat ed saray palapágan tan nayarin tua, ta iner man a pakasingobay nayarin ipalapag wadman met lan andì sacw iramay matá ton kolor na dapol a mabutbutleg a kanenengneng day ambetebetel tan lanang iran sinonunot. Anggapoy petepeteg a makaamta no panoy panbibilay to ta anggapoy makapikabat no iner mangakan tan no iner unougip. Wala pa lági barilis ya susuruban to ed bengat lan pasen.
Diad saman balet a bekta say nengneng nen Urang ya Insangli aliwan singa unong a gendat ya mabinbinta tan singa anggapo labat so walad sikato, no agta napatnagan ed kalilimgis to so makaliliket a panangasi. Sininggeray sakey a masiken a melamelanting ya imbanon malikeliket.
"Kaarooo!" kuantod bosis ton pagás a singa gakgak na togak, tan ipanpanengneng toy pigaran mamisos a mek.¹ Anengneng nen Urang ya Insanglil iramay mamisos tan sinintak to ray abalá to. Anto konoy walad sikato ey?
__________________
1 Kuarta ed Mexico.
