sabongey bonga, say panomameng a maong tan pangasikaso ed
aárapen, say pakakaukolay pikakabat ed bansá, nisengeg ed
kipapasen day indio, say tagey na súri ngaran a kastila, say
manonaan a nonunoten ya inkakastila ra, say kitanduroy religion. etc., etc. Agdani alingoanan ed Ibale so diskurso to nen
onaonan imparungtal so pansilew na petróleo ya isalat ed larak
na niog; diad saman a pamapasimbalo, inbis ya anengneng toy
kaerep na negosioy larak, say apaaninagan to say pakalmoay
sakey met a concejal-ta si Don Custodio lanti mapasakbay ya
arawin tampol so nabatik na matá to-tan sinmungpan anggaay
nayariay bosis to, ta diad pakaisip to, masakbay nin tuloy a
pangilulot niman a kanunotan, tan ipapasakbay to lay makapataktakut iran gelew a nagawa ed togiop day katoowan.
Aliwan saginunor so insungpa to met ed ninunot na pigaran
katao ya ipetek ed sakey a Gobernador General kasakbayay
isipot to nia, ya pangipatnag day panamablí ra; nibana ya si
Don Custodio walaray babarongan ton agla nanunotan no
antoraman ya ag impakaasikaso nen Gobernador ed sikato,
kanian impasingayew ton singa say bitewen ya ompepelnak et
kabusol ya anggad pukel na bitewen ya onseselek, kanian antakut iramay mannonunot ya ompetek tan agdala intuloy.
Sakey ya agew imbaga rad sikaton mas maong no ompawil ed España ya manpatambal na sakit tod altey, tan saray palapagan sinalita ran inaliling a sakey ya Anteo¹ ya nakaukolan toy onggatin ed Inan Bansá pian ompawil so biskeg. to. Bang balet yan Anteo ya taga Ibale nen sinmabid Corte2 nanmaliw a melmelag ya andi kakabaliksan to. Diman anggapoy mangaasikasod sikato tan andien to ra may daydayew iran nailuato. Agto makatetelek ed pulok day mangayaman, tan say abeban aral to akasengeg na agda pangitaltalekan ed sikato ed atagey iran arálan tan polok day mangakabat; tan nisesengeg ed inkatilak tod kurang na panaon, tan say inkipasal tod galaw day papári, singa la ingen tataleman a belas no walad utel day doipo, kanian ontaynan lan mauges so uló to, maalipanes ya anggapoy petepeteg a natatalusan ton nagagawa no ag labat say panagsoba ray totoo tan say pansusugal day ankakabaleg a kan-
________________
1 Alan ya atagtagey (64 ya sikoy katagey to) ya tinalo nen Hércules ta titagey tod dagem, ta no akagaton iray sali tod dalin ag mangongpang so biskeg to.
2 Sikatoyay pananawag na siudad va ayamay Ari, kanian say labay ton ibaga sirin Madrid ya kapital na España.
