kabubulok to. Tan diad aliling day onolid bilay ya inaatey
ed itanol na tambuyog no nasabi lay kaonoran ya okum, libolibon aniani ran mandala, anino ran andi ilalo na totoo ran pi
napatey, bibiin nakalay galang, kaamaan iran impaliis a nilaknat ed saray boleg da, mauges iran gawan sinogsugan tan pinabolaslás, ugáli ran marakep tan masuri ya nilemlemew, ombabangon ira natan ed anieweng ton man a tepet. Diad saman labat a bekta ed dukey lay binatak ton panggagaway
kaugsan a nanlapo nid man ed bansay Habana, ed Sur America nen diad impanágamil toy mauges a gawa tan panamilak
et ginapoan ton intadia so nakaukolan ton ikana ed pangilulot toray gagaem to ya sakey a lekin andin pananisia, andin panangarod dálin a nianakan tan andi met konsiensia diad saman labat a bekta so impakalikna ton walay ontotunganga ed loob ton
dili ya onsosungpa ed gagaween tora. Inlikdem nen Simoun,
tan abayag ya ag ginmalaw; kalabas tonia, inaplos toy muling
to, sinmabí paga ton osdongay konsiensia ton dili, tan alikna
toy mapalalon takut. Andi,.... agto labay ya usisacy dílin loob
to, agto napakpel so línawa ton mangilingay iray matá tod bilay ton linmabas..... Panon, natan la onkapoy so línawa to,
natan nen asabi lay bektan nepeg ton igalaw, natan la naandiay
sekder tan pananisia ed inkasikaton díli! Tan manlapod saray
aniani ranmay totoon masegsegang ya apaunong nisesengeg ed
sikato, et andi ebas dan singa milmilad dagem a manlabás ed
arap day matá to ya singa ra onlilimuas dimad mankidiam a
tapew na danum na ilog, tan lolooban damay kawalaan ton
silir ya eéyagan dan yaawat ed sikatoy sandua ran lima; manlapod saray turing tan tagleey da et papanoen day dagem, a
sankarengel iray panamagiaw tan yaakis dan mauges a kababáles, impaliis toray matá tod mad dorongawan tan saman pa
labat lagi so inggapo ton manggiwgiw.
"Andi, agmakayariak anganko, mauges so laman ko pa lági," kuanton inmeremeré; "akamayamay so mamobuso! ed siak, saray mangipapakasalanan ed siak na segsegang da, balet....."
Tan manlapod alikna ton manaspok so muling to, inmalagey tan sinmingger ed dorongawan pian makasungap na ma-
