obispoy galagalaw tod man cd báley da, tan si Kapitana Simona
ipapasen to met lay inkasikaton kaolibay na Inay Dios, ta anto
sirin ey, si anak to et manmaliw met lan sakey a Jesukristo!
"No makapanpári anak to," kuanen Anakbanwan Andang, "si ina agto la bayaray utang tod sikatayo.....ta, siopa ni maningil ed sikatod satan ey?"
Balet ta nen anengneng ton ag manggagalaw si Plácido, insanto abasa ed mata toy bagyon manungol ed pagew to, atalusan ton say ibabaga to tua. Ag akasel ya abayag insan to ginapoay nantagtagleey.
"Ay!" kuanto, "insipan ko nimet ed kinen amam ya asika. soen takan maong, ibangat takad maong a pitotoo tan pana. bogadoen taka! Ginimperan kon maong so impanggastos koy onkanad siak, ta pian labat makaaral ka! Diad pangginggi agak onyoyurong ed dies tan salapi, dia labat ed sananem a sentimos ya itetepel koy anapakseng ya angob na linget tan anglit day kasugal ko, tan dingot na nipis. Nengneng mo ra yay aysing kon sinursursian! Inbis a isaliw koy balon kawes koy kuarta, iiter ko lan misa tan regalo ed San Sebastian, anggaman aliwan masimoun so pananisiak ed pakayari to ta alablabas so talabit nen párin mangimimisa, insan balobalo ni nimet a santo ya agto ni amtay manmilagro, tan sakey ni say ginawan talintao to aliwan batikulin no ag laniti1 labat..... Ay! Anto la kasi ibagad siak nen amam no ompateyak insan kami makapannengneng!"
Tan si pangaskasíyan a bii andi tonda ton mantatagleey tan mannangnangis; manbilunget met so lupa nen Plácido tan agto napokpokay panngesngeswá to anggaman pepegetan to met kalamor.
"Antoy nagonggonak a manabogado ey?" kuay ebat tod ina to.
"Anto la kasi kidatngan mo?" kuanen inan intuloy a mandakodakop; "ingaran da kay pilibistiero insan daka ibitay! Ibabagak lan sipor ed sika ya managamil kay ános tan manpaabeba kay linawa! Agko met ibábagan manpinsiw kad saray pa-
_______________
1 Ngaran irayay kiew a papablien ed Pilipinas; panonaen ni batikulin ta marakep so birlasan to tan anawet a sikatoy mabetbet tan katalakpitan a gagawaen a talintao tan saray mabli tan marakep iran kagawaay abong. Batikulin so inkana nen Rizal a ginawan melag a talintao na Corasón de Jesus nen walad sigundo año na High School ed Ateneo. Sayan talintao walan yaatol natan na José Rizal National Centennial Commission.
