ra met ed onkukurang a panaon. Si pári Salvi agto napokpokay pantayegteg to, manggiwgiw a pati saray bibil to, tan tomtumboken ton agto naaknit so mata to ran manmoldag ed iner
man a pangiarapan to ray mata ton may uló. Mamotbutayong
iray linget ed kapukepukel lawarin muling to, balet ta anggapoy
makakaimano, ta amin da agda alisay matá may uló tan mapalaloy inkatenyeg na liknaan da.¹
"Antoy maamot a ginawa ran panderal dad sikay papári ed báley mo ey?"
Si uló inmaglem na makaparpaermen ya singa nanlapod utel na puso to, tan saramay onnenengneng amuria ray matá to, saramay matá ton mankidiam, a binmilunget tan lua toy sinmalmay. Akamayamay so akigtot tan binmegas so bagó ra. Andi, saman aliwan komkombi, aliwan labir labat; samay uló sakey ya apaunong tan say totungtongen to say impanbilay ton dili.
"Ay!" kuanton impeyeng ed mapalalon ermen, "kaarowan koy sakey a malanguer nin marikit ya anak na pári, malinew ya andi taldeng ya aliling na liwawa, tan kaolibay na rosas na loto² no kabusbuskag to nia! Samay pári ed Abydos panpirawatan to met ya nagamoran tan angiparaan na sakey a rebolusion ya inpakasalanan ed siak, ta inkana toy ngaran ko tan inkaná to met so pigaran papiro ya sulsulat kon impanetdet ed siak, ya siniliban to rayan inalá ed kinen kaarowan ko. Tinmerak yan rebolusion a nibanbana ed impawil nen Cambyses ya mapalaloy sanok to ed inkatálo tod bakal. Nidalem ak ya ontotungangad Uley, inerel daak ya impangaw, akabatik ak tan diad impangusil dad siak, apatey daak ya apaltog ed libsong na Moeris. Dimad bilay ya andi anggaan ososdungan kon anengneng so impanaloy panagpalsá tan panagtilá, sankanengneng ko may pári ed Abydos ya agto tundaan a lábi, agew pairapen imay biin andi taldeng, ya anta diad baleg a ermen to tan inkaandian toy ilalo et linmoob la kalamor, ed pananap toy mogmon salimbeng ed simbaay Isis ed poloy Philoe..... Sankanengneng
______________________
1 Say kagalang a manbabása atalusan to la dia angankoy pamapasiki nen Rizal ed saray papári tan saray kakastila diad Pilipinas. Impadalan tod sayan kasiliban, ya nayarian dan ikanay managsulat, anggaman singa makakebiew sa pangibesngaw toy kaisipan to ra ya nipaakar ed saray manouley ed dálin ton nianakan.
2 Tanaman ed Egipto tan arum niran bansa ya say roses to et ampoti ono inanágan a mialaan ed rosas na lirio, ya manbibilay ed danum.
