nasa toy impanbilay nen Napoleon. Akaibeg si Ben Zayb tan
piano makapangibagay makapaalipanes ed kinen pári Camorra:
"Singa angob na simbaan!" kuanto.
"Sayan kajon, sinyoras tan sinyores," kuanen amerikanon intuloy, "say lugan to sankaakop a dapol tan melag a papiro1 ya angisulatay pigaran salita. Nengneng yo, balet ta pikasik ed sikayo ya agkayo onngengesway maksil ta no ompalir so arum ya dapol nakulangan naani ompaway ya uló."
Sarayan singa togtuan salita ya imbalikas irad tanol na bosis a mabinbinta tan napnoy sekder, nakakalkalnaan dan napapatulok so kalakal day ondedengel ya nen impalabas nen Mr. Leeds imay kajon, anggapoy tinmalek ya linminawa ono nginmeswa. Si pári Camorra anta mabetbetbet ton isisermon dimad panagsirmonan ed Tiani so irirap tan dusan aakoen day kakamareruan naplag ed inpiernos, ya diad dalem balet et panelelekan toy pinasian takut ya akapintad matá ray bibiin makasalanan, pinepet toy eleng to; si pári Salví, si dílin pári Salvi ya nen Pistay Inatey et nanggawad altar mayor na simbaan ed sakey a distrito ed Ibale na pakanengnengay maniirap iran napupoulan a kakamareruad Purgatorio ya saraya tan say apuy iran manlayap et pinapaliwawa ray aninag na lamparaay alcohol tan lata ran manesiab ya singara togtuá, ta piano dakel iray mangiter na misa tan payabol. si dílin makmabeng tan ag masmasol a pári Salvi pinokpokan toy kalilinawa to tan ninengneng ton singa mapagpaga may sankaakop a dapol.
"Memento, homo, quia pulvis es!"2 kuanen pári Irenen in meremeré ya makakaimis.
"P" kuan balet nen Ben Zayb, ta sikato met so ibaga to lawari et naonaan nen pári.
"Agko amtay gaween ko," kuanen Mr. Leeds ya intuloy a bansag na impangikapot ton may kajon; "binonineng kon inosisak a maong imay papiro tan anengneng kon akasulat so duaran salitan agko natalusan. Inaral kora tan sinalik iran binitlan maksil. Kabkapamitlak ni lan lamang ed samay akaona, alikas kon ondadalas ed limak imay sankabenbenan kon kajon ya alabas nen goyuyoren a bibitinan bilang na am-
_______________
- 1 Bulong na sakey a tanaman ya sikatoy pinagkapapil tan panagsulatan day
totoc Egipto nen inmona ran panaon.
- 2 Agmo lilingoanan 100, ya dabok ka.
