laloy karakel na ankekelag a talintao ray papári ya balibali inkagawa ra, ayadyari ran maong, ya ipaparungtal irad bekta ran
sankamasurian ed bilay, a sumlang na nagagawad Europa ta
diman et ipapanengneng iran impinta ya akatakban naugip ed
barilis iran napnoy alak, mansusugal, maniinoman, manliliket
a manpapabiskeg, odino mamupuyok iray aping na marikit.
Andi, saray paparid Pilipinas duma ra: mabli ray kakawesen
da, mapinipineng ira, maong iran mangawes, asimsimbang a
balibali inkakatli buck da, maong iran lupa tan mabinbinta ra,
say kanenengneng da singa mannununot na dinidios, kaneng.
nengan day masansantos, rosarosay daiset so aping da, benbenbenan day baston a palasan, akasapatos iray charol a masilesileng
a kalakalat dan tuay galangen tan iyan ed dalem na salming
a singa saray sasantos.
Inbis a saray pakanengnengay alablabas a sibá tan lawan a kaiba ray agági rad Europa ya ipipinta, saray papárid Ibale, say sankaegnaan da libro, impasak a Katawan, bulong a pakanengnengay martirio, insan inbis a mangaangob iray yanoyano ran bibiin taga uma, saray wadiad Ibale ipapanengneng iran mabinbintan mangidederew na lima ran panpinsiwan day ugu. gaw tan totoon matatken la, ya akatewek iran ngalngali laran mantaltalimokor; inbis met a dispensa ono silir a panginay abasto, tan pananganan iran manlaglagtoot iray lamisaan na kakanen, ya onkakanan telon da ed Europa, no ipipinta ra dia, manaltalimokor irad dasalan, ono walarad lamisaan ya aralan; inbis a párin mipapayabol ya akakabayod burro tan nanawit na supot ya tunogtunog kalamor ed pinto ray kaabongan a mipápayabol, say párid Pilipinas mansisibuag na inakop a balitok ed saray masegsegang ya indio.....
"Nengneng yo paya ay, si pári Camorra!" kuanen Ben Zayb ta agni linmabas so bilay na ulat tod ininom ton champagne. Tan ituturo toy inpintan sakey a párin mabeng a nengneng toy manoumameng tan akayurong ed abay na lamisaan a sankaampat toy uló tod lima to ya singa mansusulat na sirmon ed liwaway sakey a lamparaan.
Say impanarawiyay itsura ran dua nanelekay dakel ed saramay wadman.
Si pári Camorra ta alingoanen tolay Paulita, atalusan toy gagala nen Ben Zayb, kanian onia met so tepet to:
