Si Quiroga diad panagsalita ton bákil tan imis ton maulimek, masiadoy pananankaili tod Simoun; maararoy tonoy bosis to, lugay lan lugay a ngalngali ton nitalimokor lan anggad tablay sakey a sali to; si alajero balet pinaer toy pansasalita to ya tinepet ton biglay:
"Apaknaan da ra may pulsiras?"
Kangel nen Quirogad sayan tepet singa apunas a naandi sayaksak to; tanol na bosis toy nanmaliw a pakaskasi, lalon inmabebay panangilugay to, insanto impandakop so duan lima to ran intagey ya anggad petek na lupa to ya unong na panangigalang dad China tan, inkuanton singa maningel:
"Uuh sinyo Simoun, siak apili, siak linmapog!"
"Panon, intsik Quiroga, aperdi kayon anta onia lan karakel na botilyay alak yon champagne tan kinombida yo?"
Inlikdem nen Quiroga ya inkuliseng. Inulit to lamet a talagan aperdin maong ed inkagawa da ran may pulsiras ed saman a ngarem. Akaimis si Simoun; no say sakey a komersianten intsik et ibaga ton napeperdi mapatpatnag a manutubon maong. No say ipapatnag to balet et maong so kurang na komersio to, sankanengneng to lay kaperdi to odino nonunoten to lay onlimot ya ombatik ya empawil ed báley to.
"Agyo amta siak apili, siak linmapog? Ah, sinyo Simoun siak hápay!"2
Tan si intsik diad pilalck ton mangipatalus na kipapasen to, ipapaliwawa toy salitan hápay a ngalngali lan natumban nipasag.
Ngalngalin yarakak nen Simoun et pinokpokan to, tan kuanton inmebat ya anggapon balot so nangelan to. Inawit
__________________
moran da yan abuloy manlapod diad pakaisip nen kúran dominiko ya Fray José Hevia Campomanes et kanepegan ya say pangipangulo iter ed saray manggagastos na dakel. Nanprotista ray tatagalog ya inkuandan sikaray makankanepegan ta anak iray bansa ya anggano italirak ni bilang so gendar lan naugaliyan; samay pári balet ta nonunɔten toy kaabigan tan dili ag inmabuloy. Si Kapitan General Terrero ta sikatey Kapitan General ed Pilipinas nen taon iran 1885-1888, diad pananumbok toy bangat day liberal ya managsimbawad sikato, inekal to may kura tan tinotulan to man ya asunto ya impanalo to ray tatagalog. Anggapo ta nen sinmabi asunto ed España ed Ministerio de Ultramar (Department of Foreign Affairs ya kuan natan) si Ministro ono Secretario, aliwa labat lan tinolok toy labay day papári no agta ginawa to min obispy pári Hevia,
Singa inougaw ta makapalpalek so pakanengneng ed saya natan, balet diad saraman a panacn andi, tan masiadon makabaliksan, lalu la no nunoten so agda pangitaltalek, panaglemlemew, lanang a panamabaing day tatagalog ed satay maoyamo tan lawas mapaguston intsik tan say kabat lan sipor ya paniirangan da ra nian duaran poli na totoo.
2 Say labay ton ibaga patay, salitay tagalog a talus toy inatey.
