kanunotan! Antoy nasumpalay salitay kastila ed lima da ran
tan a totoo ey! Iner so pangalaan yoy oras yon idagó yod academia no ngalngalin kulang kayoy oras a panumpal yoy nabebetangan yod klasi yo ey? No sikami labat, labay mi komon
a makaaral kayon ami kastila ta piano sustoy panamitla yo et
agyo betagey salming na layag mid pankawelkawel na dilá yo
tan panangibaga yoy p,1 balet ta onona ni obligacion insan say
devocion; sumpal yo nin ononay aral yo insan kila manaral naani
kastila, tan loob kayon amin a escribiente no sikatoy labay
yo.....
Tan ag tinmondan nansalita anggad ag intugtog na kampanan inkasumpal na klasi, tan saramay duan lasus talomplo tan apat a manaaral, kayari ran nandasal, pinmaway irad klasin anggapo kalamor so naaral da, balet ta akainawa ran akalinawa ray balbaleg a singa nakal so ambelabelat a sasakbaten da. Ka pag sakey a tubonbalo aperdi toy sakey oras ed bilay ya inawit. ton intábay melag a taping na galang to, tan katageyay inkasikaton dili, balet ta onlolour so kakaandi ilalo, say pankabusol ed aral, say irap na linawa ed kapusoan. Insan naani anapen ed sikaray kakabatan, galang tan maabig a kababáles!
De nobis, post haec, tristis sententia fertur!2
Tan diad kaolibay da ran man a duan lasus talomplo tan apat, ontan met so impamalabas day oras na klasi da ray nilíbon nanaral ya akona la nen sikara, tan no ag naapiger so panagbangat, ontan met so pamalabas da ray amin a mantumbok, ya ombaigan iran naandian lay liknaan tan kababaingan, tan say galang dan napasakitan a namurmurmura, tan liket na linaway kalangueran, manmaliw iran panagbusol tan ngiras ya aliling da ray daluyon a kapipitek ed arum iran baybay, a diad andi tondan pansasbi ran pantotumbokan et mandakel so ititilak dan eker a marutak. Bang balet, say Dios a makanenengneng a manlapod nanarian ton andi anggaan na kasumpalay sakey a gawa ya singa sakey ya idaramey a mimilan inabel ed dukey na panaon ya onlalabas, say Dios a sisimbangen toy bili kapag sakey a segundo, tan impasen ton ononaonan nepeg day pinalsa ton totoo ya tumboken a ganggan so bolaslás tan inkayadyari, say Dios, no matonung, kerewan to ray totoon ma-
_______________
1 Saray ag akalaem ed aral a pilipino mabetbet a lingo ray pansalatan day p tan f no mansalita ray kastila.
2 Kayari tonis, abebbebay pakaisip ed sikatayo,
