"Labinliman líwat," kuanen catedráticon intuloy," kanian kulang ka labat na sakey pian nabural lay ngaran mo."
"Labinliman líwat? Labinliman líwat?" kuay Plácidon mankelaw; "amitpipat ak ya kinmolang ed klasi, komalima ya lági, no bilang ta pibilang yo!"
"Susto, susto, señolía," kuay ebat nen catedrático ya imimanoen si tubonbalo ed tuktok na salming ton balitok." "Akoen mo sirin so aminliman agmo inorong, tan bukor na Dios so makaamta no satan labat! Atqui1 lapod mataltalag so panpapasalistak tan kapag naerel koy sakey et inan koy limaran gulis, ergo, pigaray mamin liman limara ey? Alingoanan mo la angankon pati man multiplicar! Maminliman limara?"
"Duamplo tan lima.....
"Susto, susto! Kaniantin anubo kani samplora, ta amitpitlo takan narel.....Uy! no narel taka labat kapag nanliwat ka....Natan, pigaray mamitlon limara ey?"
"Labinlima,... . .
"Labinlima, nanpará, urang tan alamá!" kuanen catedráticon insumpal a bansag na impangikapot toy listaan;" no nalingo ka nin manlíwat a maminsan, sulong! Paway ka lad pinto! Ah! insan natan inan ta kay marka ed agmo impakaebat."
Insan to lamet binoskag imay kuadernon listaan to, inanap toy ngaran insan to ininay gulis.
"Nitan! Saksakey a gulis!" kuanto "ta natan ka labat namarkaaan!
"Maya kayo pa balet, Amá," kuanen Plácido ya popukpokan toy inkasikato; "no markaan yoak nisengeg ed leksion, nakaukolan sirin a buralen yo ray iniiyan yo ran markak ed líwat ed sayan agew!"
Si pári ag inmebat; kinalkalnaan ton inapiger imay gulis, inamamayo ton impabangking so uló to— nakaukolan a marakerakep so kigúlis to — inkapot to may listaan, insanto tinepet a matantantan a singa mamapasiudot:
"Ya, akin bilang ñol² ey?
"Onaa ta ag nagawat na kanunotan, Amá, ya say sakey ya estudiante et markaan a nanliwat ed klasi insan nasumal
_________________
- 1 Ontan man.
- 2 Señor.
