baleg so kaabigan a naala ray duan lasus tan limamplon estudiante ya manbabayar na matrícula, manasaliw na libro, manaaral tan mamapalabas dimay sakey taon, insan ira ompaway
ya anggapoy amta ra. Kanian say nagagawa so likor labat bilang no walay mataltalag a nibanan sakey a capista1 edino igaganggan ya andukey a taon a sikatoy managlinis ed saman a
Laboratorio, anggapon balot so nangnangelan a siopaman a
walay nala ton kaabigan ed saray andurukey a leksion ya irap
ya impapatlep.
Balet ta pawilen tayo pay klasi.
Samay catedrático sakey a párin dominiko ya ugaw ni ya balitadon maong tan masebeg a manbangat, tan nandurumá laran libroy imbabangat to ed Colegio na S. Juan de Letran. Nababantog ya aliwa labat lan makabat no agta agmet napalikdo ed supiatan, tan sikatoy sakey ed saray ipapasen day ibiba to ya atagey so sabien to. Saray papárin mamatatken gagalangen da, saray ugugaw ni ibibegan da, ta anggano diad pulok dan dili walara met lanti parpartido. Komatlon taon ja man a panbabangat to, tan anggaman saman labat a taon so pangipapaliwawa toy Fisica tan Química, nipapasen lan makabat ya aliwa labat lan diad saray mapaguston manaaral no ag ontan met ed saray arum iran profesor a mansasalat so ibabangat da. Si pári Millon, ta sikatoyay ngaran to, dumad saray karaklan a tinaon iran mansásalat na ibabangat da ta piano makaaral met iray balo ran kakabatan, a manaaral met iran singa saramay babangatan dan manaaral, a say akidumaan da labat bilang ta saksakey so libron aaralen da, sikaray mantetepet inbis a sikaray tetepetan, mas so pakatalus dad salitay kastila, tan ag ira maniksamen no sampot na kúrso. Si pári Millon oukakiten ton tatalusan a maong so ibabangat to, amta toy física nen Aristoteles tan Física nen P. Amat; binasa ton maong so gawa nen Ramos, tan tonggal paminsan a paparlasan to met na mata toy gawa nen Ganot. Anggaman onia ni, mabetbet a mameyengpeyeng a singa manduarua, makaimis, insan to imerémere so: transeat.2 No nipaakar ed Química ipapasen da met a makabat nanlapod agew a diad impangikoko tod imbaga nen Santo Tomas a say danum et pigaran nanlalaok, impanengneng
________________________
1 Capista —Estudiante ya makalakal ten maong ya ugáli ya pangipipiyaan day papári ya mangasikasoy musco, library odino laboratorio.
2Transeat —Palábasan la.
