Say pankaklasian sakey a silir a baleg tan pandukey a makmaawang iray dorongawan ton nirijasay balatyang a tubongay dakdakel a dagem tan liwawa. Say nantopag a diking, apanatay taloran nantaktakayan iran malalapar a batón tinatapeway tabla a panyoryurongan day manaaral ya impapasen iran unong ed pantotumbukay letran gapoy ngaran da. Dimad bick a sampot a kapetekay tutubongan a pintó, diad leksab na estampa nen Santo Tomas de Aquino, so angipasenay entabladoy profesor, nitagey tan walay sansakey a takayan a melag a sesegepan ed nantopag a diking to. Likor labat ed sakey a pizarran inkuadro ed narra, ya agni lawari inkana ta wadman ya agni abural so salitan ¡Viva! ya akasulat lan nanlapo nid inmonacnan agew na klasi, anggapo lad may nanengneng ya anggan anton kagawaan, makana may andi. Diad saray dingding a pinintaay ampoti tan pinapalkapay masilesileng ya azulejo ed arum a pasen to pian ag ira nagasgas, anggapon balot so nanengneng: ni sakey a dibujo, ni sakey a pintura, ni bengatlan anggan inggulgulis labat a kagawaan ya ikakana ed Física! Saray manaaral anggapo man lay kakaukolan da, ta anggapo met so manaanap ed sikará na panangibangat a ipanengneng so panaggawa ed sakey ya aaralen a kakabatan a nakaukolan komon so pakanengneng ono pamapaway na katuaay walan ibábagay libro. Andukey lan taon ya oniay panbabangat, tan agmet ni aguloy Pilipinas. magnanáyon ingen a singa unong lawas. No maminsan wala met so sakey a kagawaan a napelag a manlapod tawen ya ipapanengneng ed saray manaaral, balet diad arawi labat ya agda nasisinggeran a kaolibay na Santísimo ya sankanengneng day mantaltalimokor a katoowan katoowan — nengneng nengneng moak et ag moak didiwiton! Diad mataltalag iran panaon, no bilang ta walay nibanan makakar dian profesor a mapagusto, walay tandaan ed satan ya agew ed sakey taon ya idalaw ed maamot a Laboratorio onó
