lang impamaltog day Guardia Civil legay pangitotulor day took
ya mano-mano.....etc."
Sakey iman a postaan a nidumaduma, kanian atawag so imano daranmay taloran kataon mamaspasiar tan sinmingger ira.
"Maya kipa, kagalang kon Simoun," kuanton may atagey so betang ya empliado, "antoy naala yod saratay taloen yon maabig a gawa ed salita, bilay, kipaalis, tan andi abalan pamatey ey?"
"Ay, dakdakel! Onsasawa ak lan makakangel na maabig iran gawa, kanian say labay ko komon natipon kon amin iray maabig a gawad sansinakoban ya iseksek korad sako insan kora ipaldeg ed dalem na dayat ya anggan nakaukolan ya ikanak ya amin iray brillantek ya ibitin a pabelat pian onlereg ira!.....!
"Agay latan a panagnunot!" kuay pári Irene ya manelek; "sara balet so pangipaalis tan pamatey ya andi abala ey?"
"Ah, saratan ta pian napalinan koy bansá, tan nagalpong so amin a mauges a bini......
"Kuanko la! Ampetang ni uló yod saray tutulisan anta no tungtongey tua, ayarian dakayo komon a kinereway mas baleg nin dondon, odino, nayarian dan inalan amiy alajas yo. Salo, makapoy so malamang!" Kuanto ya ta lapod impanungtong nen Simoun ed impanabat dad sikatoy tutulisan a kayari ran sinankailin sanagew et inbulos dan ag inalaay anggan anto no ag saraman labat so duaran revolver ton Smith tan duaran kajon a bala ya awit to. Inkuanto ni ya saramay tutulisan et papaibanoan irad kinen Sankatageyan a Kapitan General.
Tan nisesengeg ed sayan tungtong nen Simoun a saray tu tulisan et dakerakel so paltog da ya walaray eskopeta, pusil, tan revolver, a say sakey a too anggano anto ni armas to et anggapoy nagawaan ton mangiagel ed inkasikaton díli, si Kapitan General ta piano nabaat lay panpaparakel day tutulisan na armas da, ninunot toy mangipaakseb na sakey a ganggan ya isebel so iloob diad bansá na pati saray revolver ya ankelag ya ikakana labat iran parakep.
"Andipa, andipa!" kuanen Simoun a sinungpa, "no diad siak, saray tutulisan so sankaptekan a panagnunot tan kagagawa diad bansá; bukor day malinis so panaanap day panbibi-
