yut nang tyup ning angin pamaspas no babo ring
tanaman at king langitngit ding kwayan a darasa na balainu
wari makaramdam kang daing.
E ya makakupya i'Ibarra. Karing mata na alang kukuldas kapatak mang Iwa, at ketang salu na alang tatakas a pangisnawang saldak. Ketang paglakad na anti ya mong ating panginlagan. Aliwa kaya ing anino nang Ibpa na, o itang bagyung daratang?
Linwal ya king kabalenan at pepaynturu ketang bale rang matwa a e na pa penikan pasibayu lub ning malwat a panaun. Itang bale aya’na, makapatulug yang bakud-batu a nung nu la tutubu ring kaktus. Balamu wari awsa’ne nitang matwa nang santungan! Itang ilang-ilang magyuyu ya at yunggu nong matula ring sanga nang memuyutputan bulaklak. Ding pati-pati naman mitatagalan lang dudurut ketang matilus nang bubungan ning tuknangan dang makatalakad libutad ning mula.
E na akakit Ibarra itang siglang pasalubung na kaya ning sadyang tuknangan. Ding mata na makatarak la king larawa’na ning metung a paring lalapit ibat king sumangid a dalan. Ya ing cura ning San Diego, itang franciscanong matalik misip a ikit ta na, ing kasalang ning alferez. Ing angin panuklip ne ing malapad nang pardilya ning kupya na at papakat ne king katawa’na ing abitung ginggun inya abibikas mu ing pamikakatawa’na angga retang payat at medyu sakang nang butit. Ing gamat nang wanan tatalan yang bastun a palasan a pemuntukan nakar. Kanita la pamu kamumulan mikit Ibarra.
Pamisalubung da, tinuknang ya sinaguli i'lbarra at pasuglapa'ne. I’Fray Salvi naman penginlaga’na ing lawe na, at kunwari e ne pansing.
Sinakirap mu ing pamikunut. Lepita'neng mabilis, tiknang ne, sildak ne king pago ning cura ing gamat na at karing amanung halus e mu ayntindyan—
"Nanung depatan mu kang Ibpa ku?” nganang kinutang.
I’Fray Salvi, maputla, gagalgal, inyang akit nang makalarawan king lupa nang Ibarra ing mikakalabkab nang panamdaman, e ya mekapakibat, mengauman ya.
"Nanung depatan mu kang Ibpa ku. . .?” nganang minulit kinutang karing amanu nang malulumud.
— 87 —
