talakad ya at italakad na ing alang kayanggana’nang
matulid ning taung manyangi king kayang katimawan!”
“Ing balen a alang kasalanan ya ing magkasakit!”
“Mayap! Malyari yu kung ituki angga king bun dok?”
“Anggang 6 ko mibili king panatag," nganang mekibat Elias.
Pasibayu lang linwal king Pasig. Mamisanmisan misasabi la karing bage myayaliwa.
“Santa Ana!” nganang minyabing Ibarra, “balu ye iting bale?” Kanitang penandit lalabas la tulid ning bale ra king gutad ding heswita.
"Karin dakal ku linabas a aldo masaya!” nganang mengisnawang saldak Elias. “Ketang panaun ku pupunta ke keti balang bulan . . . kanita kalupa ra ku ding aliwa: ating pibandyan, sapni, maninap ku’t pigugunaman ke ing metung a paintungulan. Karing aldo reta yapa ke ing kapatad kung babai king kolehyong makalapit; pagsadya na kung myayaliwang bage gewa ring kayang gamat ... kayabe ne ing metung a kakaluguran, metung a malagung dalaga. Ing sabla milabas anti mong paninap.”
Menatili lang alang bulad angga king miras la king Malapad-na-bato. Datang king bengi misan mu man tinuntu’na king Pasig king misan karing benging mipnung malang yampang ning Pilipinas, potang ing bulan sasambulat na ibat king malino asul ing malungkut a poesia; potang ding dalumdum sasalikut da ing kasakitan da ring tau at ing katahimikan papatda'no ring makalunus nang dalung ning karelang siwala; potang ya mu kabud mararandam ing ketawan, deta atalus da ing pigugunaman ding adwang kayanakan.
King Malapad-na-bato, ing karabinero mitutundu ya, at anti ning akakit nang ing bangka ala yang laman at ala yang malyaring akwa agpang king sadyang ugali ning karelang tapuk ampon pangagamit niting kabilyan, pepaburya’nong mayan linabas di Elias.
Ing gwardya sibil karin Pasig ala ya namang salupsupan, at ding adwa e la mipangabalanan.
Magmula nang magalingaldo inyang miras la king kadagatan, patag at tahimik anti mong misnang dagul
