lan, mekad ati’nang pabulan, migit ditak o kumulang.
Kanita matula kayu. Ing panigapu retang alang kalma
é miraras kekayu; palkaran yu ing karelang tutul uling
krimina’la. Pekirandaman yo pa kesa karela ding karelang
kasalang, at bistaman migmatulid ku kekayu at
mekisabing mayap, migpanig ko karing karelang talapagmasikampu,
at kekayu kanita manalumpakan ing
aku maging kriminal ku o paimate ban makatupad
king banal a pangaku. Ing Dyos é na pepaintulut ita
uling ing matwang pamuntuk ding talapanyapat marok
mete ya . . . Milabas ing pepabulan at ngeni aliwa na
ko isipan!”
“Atin kang katuliran, Elias; dapot ing tau metung yang bage pitangetange ring pamikakatagun. Kanita bulag ku, meyalang tula king malilyari. Nanu ing male ku? Ngeni ing kasawian leko na ku takap mata. Ing pamagdili at ing kasakitan king sukulan tiru na ku; ngeni akakit ku ne ing makatakut a kanser ngangatngat king kekatang kabyayan malda a gigisan king kayang laman at mangaintulid biglang pangapulid. Ila bisni ro ding kakung mata, papakit de kaku ing sugat at pipilitan dakung maging kriminal! At anti na ning biryan da ita, maging pilibusteru ku, talasalungat, dapot talagang pilibusteru. Tipunan ko ring sablang alang kalma, ding sablang maki pusu, detang mitubud kekayu kaku . . . Ali, e ku maging kriminal, kapilan man é ya kriminal ing makipagkal para king kayang balen, mine king katumbalas na nita mayap yang memalen! Itamu kilub ning atlung dalan a banwa inabut ta la karela ding gamat, inadwanan talang lugud, mau tamung awsan ta lang kapatad. Makananu ra katang inablasan? King palkara at king sunu, pigkait da kekatamu angga ing adle maging tau. Alang Dyos, alang kapanayan, alang pangatau. Ala nune mu ing kapagmasikampwa’ning sikanan!”
I'lbarra manamdaman ya; gagalgal ing mabilug nang katawan.
Linabas la arapa’ning palasyo ning Heneral at balamu manakit lang pangimut at pangabalisa ring gwardya.
"Mebalu na kaya ing pamanakas?” nganang bubulung Elias. “Magkera kayu, ginu, ba'rakong takpan king sakate, uling lumabas tamu lele ning Palvovista'¹’ 1 Karinan a nuitg nu ing ubat misasadya, at iti magagawa na mang myayaliwang balas ampon aliwa pang bage maki ubat.
