king katri dapot tatakut kung mukyat king bitayan
Bagumbayan.) Milub kong danum!”
"E ka pa rugu paymate, nganang manangis ning babai, "e ka paymate uling datang no ring dakap keka 1 O nung mete na ka at saka la kanita datang ding sundalus, ay! ay . . .!”
Tigtuga'neng danum king lupa i’Tinong ning pisan at iti mimasmas ya.
“E ko kikyak! Invent remedium. (Menakit na kung paralan.) Ibwat ta ya king katri na. Kaylangan yung siknangan ing lub yu. Abe yu ku at atyu kanaku ing anggang kabyasnan king minuna . . . Maus na kong doktor, at ika naman, pisan, ngeni mu rin munta ka king Kapitan Heneral at pagdala meng regalu, metung a kadena o singsing a gintu. Dadivae quebrantant peñas; (Ding regalu palambutan da la agyang ding nangasias a pusu.) Isara yo reng awang, deng pasbul, at ninu mang kukutang king pisan sabyan yu masakit yang mabayat. Aku naman silaban ko ring anggang sulat, papil at aklat ba'lang alang akit nanu man anti mo ing depata'nang Don Crisostomo. Script! testes sunt! Quod medicamenta non sanant, ferrum sanat, quod ferrum non sanat, ignis sanat. (Ing makasulat saksing makapagsalita. Itang e na alunasan ning panulu malyari nang ulwan ning bakal; at itang e na aulwan ning bakal malyaring maulu king api)"
"Wa! pisan, kwanan mu, silaban mu ngan!” nganang Kapitana Tinchang. “Oreni ring suse, oreni ring sulat nang Kapitan Tiago, silaban mo ngan! Ala sang mitatagan karing pahayagan a menibat Europa uling tutu lang mapanganib. Oreni ring The Times a sisikap ku sana para pamalut sabun at imalan. Oreni naman ding libro.”
"Munta na ka king Kapitan Heneral, pisan,” nganang Don Primitive. “Lakwan mu na kung dili ku. In extremis extrema. (King masakit a pangabili kaylangan ing masulit a paralan.) Ibye mu kanaku ing upayang katulad ning king metung a direktor romano at ikit mu nung makananu keng iligtas ing bal ... ay! ing pisan!”
Minutus neng minutus, piglisya ro't pengalkal ding aparadul libru, pengisi na ing atuklasa’nang papil, aklat at ing sablang akalkal na. Penandit mu mikalabkab king kusina karing pinduluk na. Pemalakul do ring
