pahayagan, El Diario de. Manila!" nganang
mapilit mekibat ning asawa na at saka ne linawe mataram a mata.
I’Kapitan Tinong e na balu ing ipakibat na.
I'Kapitana Tinchang, e pa matula kaniti, lepita' neng makasakmal a gamat nganang memalsala:
"Inya wari megobra kung masipit lub ning dakal a banwa ban keta king uli na mu ning kamangmangan mu myugse ing maging bunga ning pipagalan ko? Ngeni, yugsc ra kang marayu, lubasan da katamung lubus king kekatang pibandyan anti mo ing asawa nang . . . O nung meging lalaki ku mo . . . Nung meging lalaki ku sana . . J”
Inyang ikit nang dinuku ya ing asawa na, pepasibayu ne namang tinangis at yang yang yulit na ing:
"Nung meging lalaki ku mo . . . Meging lalaki ku sana!”
"At nung meging lalaki ka,” nganang kinasnuk ning asawa na, "nanu mong daptan mu?”
"Nanung daptan ku? Ngening ngeni makikit ku king Kapitan Heneral ba’kung yampang ing suyu kung makilaban karing megalsa, ayntindyan mo? Ngeni mu rin . . .”
"Dapot é mu abasa ing sasabya’ning pahayagan a El Diario? Basan me ! Ing marawak at alang lagyung kataksilan mesangal king mipnung sikanan at liksi at king malagwang panaun ding megalsang kasalang ning bansa at ding kasapakat da, miparusan lang mabayat agpang king bigsikan ding kautusan .. .! Ikit mo? Ala nang magalsa.”
"Agya man, sukat kang makikit anti mo ing depatan da ketang banwang '72, at miligtas la.”
"Wa, anti mo ing depat nang Padre Burg ...”
E ne asundu ing amanu uling lepita'neng pupulai ning babai at tikpa'ne asbuk.
"Sulung! Isundu meng sabyan ing lagyung yan ban keta bukas a bukas bitayan da ka Bagumbayan! E mu balung sabyan mya mu lagyu labis na kang myatulan alang kapanyasatan? Sulung! Sabyan me!”
Agya mang bisa yang mamintu i’Kapitan Tinong é na arapat uling tatakpa’ne asbuk ning babai karing adwa nang gamat at tinimid na buntuk king sandala
