tau Menila anti mo ring abaniku ning China: king
metung a lupa, masiglang kilayan gintu, myayaliwang
mabye kule ayup at bulaklak, kabang king gulut lubus
yang matuling.
Kilub ding kumbintu karin ing lalung dakal a pangimut. Ding saken sasadya ra la, ding paring maki katungkulan mipanapa la at misasabing lihim. Papanik la karing palasyu at yampang da ing nanu mang asaup da king Kapamahalan a makabili king maragul a panganib. Mepisabi no naman ding kometa at myayaliwang bage maki anting-anting, at aliwa pa.
"Metung a Te Deum . . . , metung a Te Deum!" ngana ning metung a prayle king metung a kumbintu. "Ngeni kaylangan ing ati'ta ngan! Maragul ing lugud a ipakit ning Dyos king panaun a iting tutung mipakarok, ba'rang akilala ing tune tang ulaga!”
"Kanyang lisyu.n a ibye tamung yan, keta’na nya ing labi na ning mamag-heneral a Mai-Aguero,” nganang mekibat .ning metung.
"O nanu kayang milyari kaya nung ala lu ring Ka pisanan (Corporaciones)?”
"At ban lalung masaya ing pista, ipabalu tamu king kapatad a kusineru at king prokurador. Magmasusi tamu lub ning atlung aldo!”
"Amen! Amen! Lwid ya i'Salvi! Lwid ya! King aliwang kumbintu, e naman makanyan ing pamisabi.
"Ikit yo? Yan magaral ya karing Jesuitas. Ding magaral king Ateneo lulwa'lang mapanyalungat,” ngana ning metung a prayle. "At laban la karing kosyang!”
"Sinabi ku na. Ding Jesuita sisiran de ing balen, at lalasunan do kaysipan ding kayanakan. Dapot ipanupaya ra la uli na mo ning byasa lang gulisgulis neng mika-ayun.”
"At ing Dyos ya mung makibalu nung makananu lang megawa!”
"Wa! at ing ninu mang salangsang karela! Potang ing sabla gagalgal at gagalo, gulisgulis la mo. Ala, ing Padre Secchi ...”
Meyli lang maki sunu.
