Sinaguli mikalat king balen ing balitang ding makasukul
ilako ra la. Mengatakutan la ring memalen
king balita, kaybat ati'nang kikyak, ati’nang managulele
Ding sapni ra ding mengarakap pupulai lang anti mong mamulang. Munta la king kwartil, munta la king kumbintu, king kwartil, king tribunal, at anti ning nu la man marap e la manakit lunas, kitmwan da ing angin king ngulangul da’t saingsing: Migkulung ya ing pari at migsakit-sakitan ya. Ing alperes digdaga'no ring gwardya na at balang babaing makisabing mayap kukulatan da. Ing gobernadorsilyo, pablasang ala yang talagang kabaldugan, linwal yang lalung mangmang at lalung alang kabaldugan. Arap ning sukulan, pupulai la misusumangid detang atin pang sikanan dapot detang pakang nang tutu magtalpak na la king gabun, manangis at awsan do lagyu ring dakap a kaluguran da.
Milalablab ya ing aldo dapot metung man karela é ne pansing at alang bisang muli. I’Doray, ing masaya at maligayang asawa nang Don Filipo, lilibut yang alang tigil, kikilika’ne ing bingut na. Kikyak lang mi-inda.
"Muli na kayu," ngara kaya. “Pota lagnat ya pa kanyan ing anak yu.”
"Numanu ya pang mye nung ala neng Ibpang papagaral kaya?” ngana ning Indung mipda tula.
"Ing asawa yu ala yang kasalanan. Malyaring magbalik ya naman.”
"Wa ! potang mete na kamiI”
I'Kapitana Tinay manangis ya at awsa’ne ing anak nang Antonio. Ing masikan a lub a Kapitana Maria sisilip ya king malating pwang ning rehas ning kwartil
