“Ding anggang utusan makasulud la. Lon yu angga keni akakit mu ing asuk,” ngana ning mamalita at linapit ya king awang. "Ding manibat karin malungkut ngan ing darala rang balita.”
Linawe la ngan king lugal a nung nu karin manibat ing asuk. Ing ditak a asuk akakit dang mumukyat banwa. Ati'nang malulunus ati'nang mamalsala karing tau.
"Kalulung bayntau,” ngana ning metung a matwa, ing asawa nang Hermana Pute.
"Tutu! Dapot Ion mu naman, o ba’t é ya mmyawad misa para king mete nang Ibpa a alang kapikakunwan mangaylangan kaniti migit kesa karing aliwa.
"Babai keka! Ala kang pakalulu !”
"Kalunusan mo ring inugse ning pisamban (excomulgados )? E mu balung kasalanan ing lunusan la ring kasalang ning Dyos, agpang karing kura? Akalingwan mu na? King kamposantu lalakad yang balamu atyu keng metung a kural.”
"Dapot ing kural at ing kamposanto milulupa la mu,” nganing matwang lalaki. "Itamu ping ketang metung ding animal a milupa-lupa ila mung milulub.”
"Lon mu na ka?” nganang ginulisak Hermana Pute. "Paglwalu me pa ing metung a taung masalang paparusa'na ning Dyos ! Mekasdan mu ika man mesukul ka keng balu mung yan eh! Nanan me pang patukuran ing bale miraragsa na?”
E mipabulad ing lalaki king sinabi nang iti ning asawa na.
"Alben mu!” nganang tinuglung ning matwang babai. "Kaybat neng penumbuk i’Padre Damaso, e na masakit para kaya ing patya'ne i’Padre Salvi.”
"Dapot e mu alingad ing metung yang anak a mayap inyang malati ya.”
"Tutu, mayap ya pin,” nganing matwang babai, "dapot minta ya Espana. Ding anggang pupunta España lulwa'lang mapanyalangsang, ngara pin ding kura.”
"Aha!” nganing lalaki, uling menakit yang Iwala’ na. "O ing kura mo, ding anggang kura, ing Arsobispu, ing Papa, at ing Birhen, é la naman karin Espana?
