"Nung makanyan, panginlagan yu mu man ing biglang datang ning ligalig. Magsadya kayu para king aldo bintanganan da kayu!”
I’Ibarra miglalawe ya makapatulug kaya king anyung metilihan.
‘‘Nung makanyan, saupan yu ku. Karetang karpetang deta ati'lu ring sulat ding kakung sapni. Pilinan yo ring king kanakung igpa uling mekad deta ilang malyaring makapanganib kaku. Basan yo ring pirma.”
At ing baintau, makatingangas, metilihan, pamusni no at panyara ding kahun, mangwa yang papel, mamasang malagwa karing sulat, pangisya'no ring mapilan, sisinup no ring aliwa, mangwa yang libro, pamusni na la, at aliwa pa. I’Elias makanyan mu naman, nung e man binang meligalig dapot king mitmu mu namang pamagkapilit. Dapot, kaybat ning mapilan penandit, tinuknang ya, ding mata na masilad la pangamulagat, pibabaligtad ne ing papil a atyu king kayang gamat at nganang kinutang king siwalang gagalgal:
"Kakilala re ding kekong sapni i’Don Pedro Eibarramendia?”
"Wa!” nganang mekibat Ibarra, bisni ne ing metung a kahun at kinwa no ring kabuntun a papil, "apu mi ya king tud ! ”
‘‘Apu ye king tud i’Don Pedro Eibarramendia?” nganang myuman kinutang Elias, maputla at minaliwa panaske.
"Wa,” nganang mekibat alang malit Ibarra, Kinuyad mi ya ing apelyido uling makaba ya.”
"Metung yang baskon, dapot, ninanu kayu?” nganang makapamulalang kinutang.
I’Elias, makasakmal a gamat, pekat ne king kayang kanwan at lalwa'ne i'Crisostomo at iti minurung ya inyang akit na ing panaske na lupang Elias.
"Balu yu nung ninu i’Don Pedro Eibarramendia?” nganang kinutang mingingitngit a ipan. I’Don Pedro Eibarramendia ya ing tampalasan a menganyaya king kakung apu at ya ing mekapasari king sabla ming kealan kalma . . . Aku panintunan ke ing kayang apelyido. Ing Dyos inarap na ko kaku . . . pakibatan yu ing sabla ming kasakitan!”
I'Crisostomo lalwa'neng mitatakutan dapot i'Elias telana’ne't inabit a gamat at ngana kaya king siwalang
