kaybat kitang ne ketang siwalang e mamaliwa at
daralan king arung ning talapanaral ing:
"Ikit yu nung makananu kung daratang, pupulae?"
"Buyset! bala’ku magkulsu kayu!”
"Uli na nita,” nganang tinuglung ning kurang e minansing king kagaspanga’ning alperes, "potang makanyan kung magkulang king kakung tungkul, ating mabayat a sangkan.”
"At, nanu pa?” nganang kinutang ning metung kambe ning sikad na king tabla.
"Banayad . . . !”
"Nung makanyan, baket mamalagwa kong dinatang?”
Ing kura lepita'ne ing alperes at makabalduga' nang kitang:
"Ala . . . kong balung . . . bayo?"
Ing alperes gelo na la mu ring kayang pago.
"Pagtapat yu king ala kong balu nanu man?”
"Buri yu kung manyabi dikil kang Elias a nabengi pamu misalikut king kekong sakristan mayol?” nga nang kinutang. .
"Ali, e ku manyabi ngeni karing salasalitang deta,” nganang marok a lub mekibat ning kura, "manyabi ku dikil king maragul a panganib.”
"Nung makanyan, b . . . . ! E kasi sabyan yo !’
"Oyan eh!” nganang malale ning kurang magdalang pamamalsala, "akit yu misan pa ing kekeng ulaga, ikeng relihyosu; ing palalung alang akarapat katimbang yang metung a rehimyento; inya ing metung a kura . . . .”
At beba na ing kayang siwalang magdalang maragul a lihim:
"Mekabalu kung tangkang pamanyalake keti.”
Ing alperes mipaluksu ya at linawe neng makamulala ing prayle.
"Metung a makatakut at masusi pangatatag a tang kang pamanyalake a marapat ngeni kabud bengi.”
"Ngeni kabud bengi!” nganang sinyo ning alperes at dinalusung king kura, milaing kinanwa king rebolber na at sabling makasabit king dalig. Nganang minyabing masikan:
