Pepasalamat ya i'Ibarra at saka ya linapit kang Sinang.
"Nu ka minta pepatingapun?” nganang kinutang mti king salita nang anak. "Mipangutang kami at ngaming sasabi:
"Nu ya kaya minta itang kaladwang mesagip king purgatoryo? Balang metung kekami aliwa ya sasabyan.”
"At malyari kung abalu nung nanu ing sasabyan yo?”
"Ali. Ita metung a lihim, dapot sabyan ku na keka potang alang darandam. Ngeni sabyan mu kekami nung nu ka minta ban mabalu nung ninu kekami ing tinud a pamalak."
"Ali. Ita man metung a lihim, dapot sabyan ku na potang ikata mung adwa, nung ipaintulut da reting makamal.
"Ya na ping isipan ku 1 Ala nang kulang pa,” nganing Padre Salvi.
I'Sinang tiki ne i'Crisostomo king metung nang dane ning sala; misna yang katulang makabalu king metung a lihim.
"Sabyan mu, kakaluguran,” nganang Ibarra, "mwa ya kaku i'Maria Clara?”
"E ku balu, dapot sasabya'na ing mayap ing kalingwan me at saka ya kinyak. Buri nang Kapitan Tiago ing makyasawa ya king taung ita, at i'Padre Damaso makanyan mu naman, dapot ya e ya makibat wa o ali. Ngening abak, inyang pangutang da ka at ngakung sinabi: ‘Baka meko yang maglolo aliwa?’ Nganang mekibat kanaku ‘Manama na pin sal’ at saka ya kinyak.”
I'lbarra tahimik ya “Sabyan mu kang Maria ing buri keng akasabing sarilinan.”
“Magdilidile?” nganang kinutang Sinang makalawe kaya at makakulutun a kile.
“Magdilidiling lubus, ali; dapot e ya sana makarap ita.”
"Masakit; dapot e ka migaganaka, sabyan ku kaya.”
"At kapilan ku abalu ing pakibat?”
